自家造月餅

上了兩次月餅班, 今日終於都第一次喺屋企整了~

個皮用了金桶牛油去整, 由焗蛋黃、整奶皇都一手包辦,
不過不幸地, 第一批焗燶了.............
因為完全冇諗過, 明明話要焗十幾分鐘, 但我個爐一向都太熱, 已經減溫後都係太熱,
焗咗唔夠十分鐘就燶了, 當時我在印緊第二批月餅, 所以冇睇火, 真係好失策............

焗完好香, 即刻偷食了一件, 如果唔係燶了, 其實很滿意啊!
外脆內軟, 這種奶皇真的很滑, 在街買的一定冇咁滑!
明知道超肥, 都一個人食晒成件, 嘻~



第二批唔敢行開, 兼用了下層去焗, 終於都整到唔燶喇~
為了健康, 冇掃一層糖水了~ 所以望落唔係咁令身~
今次的小熊維尼同埋肥豬都面容模糊, 可能是用了金桶牛油的關係, 個皮較軟同埋易散開呢~



嘻, 總算完成了第一次的在家造月餅, 當然仲有好多要改良的地方啦,
唔知今年仲會唔會造第二批呢?