7am 我們便出發到尖沙咀, 參加 K-swiss 城市之王跑步比賽
這是我的第四個馬拉松, 是第二次同波比先生一同比賽~
不過今日男女子組是分開起步的, 波比先生的組別 8:10am 起跑了!
嘩, D 人真係好好好勁, 第一名的約 11-12 分鐘就跑完 3.3km, 點解可以咁快, 真係目瞪口呆.......
波比先生 14分幾, 其實都幾好了
9am 到我比賽了, 我覺得今次 K-swiss 真係攪得比早兩星期 Nike 好 (不過當然呢個比賽咁大規模, 又唔應該同 Nike 比嘅~)
因為今次沿路都有好多工作人員, 雖然唔係封路, 但工作人員會好有禮貌地勸籲那些自由行讓讓路,
又會分隔去程同回程的參賽者, 避免大家撞到, 沿路的指示亦都非常清晰, 整個安排十分令人滿意~
唯一唔多好的, 係比賽遲了開始啊~
今天我的成績比想像中快啊! 我本來諗住 21min 跑得晒都好了,
點知竟然可以 19min11sec 號完 3.3km, 即係 5'48"/km, 好開心啊!
跑完拎飲品, 點知冇水, 得能量飲品, 但係係所有人一致認同好難飲的能量飲品.........
好開心見到朋友仔小 V, 多謝妳幫我哋影合照啊~~
忽然間發現已經 9:23am , 大鑊, 我哋買咗飛睇 9:30am 的 3D 藍精靈呀,
拿拿林換衫就跑去 iSquare UA, 第一次去呢間劇院, 上咗 n 條扶手梯先到............
好彩入到去都係啱啱開場, 兩個成身臭汗的人, 在戲院強勁的冷氣下, 終於都風乾了~
哈哈, 藍精靈都是我們這一輩的集體回憶啊!!!
見到佢哋重現銀幕, 仲要係 3D 版, 真係覺得好好睇, 都幾好笑呀!! 推介~
其實睇戲係波比先生提議, 背後真正的目的, 是為了 sip 時間等食一風堂!!
我們在上年去福岡時食過一次, 已經好想再食, 知道佢嚟香港開店, 我們說好了一定要來呀!
http://startat712.blogspot.com/2010/10/part-8.html
不過開業至今, 日日都大排長龍, 所以都係要到星期六日好得閒排隊先可以試~
睇完戲又跑過來, 都已經 11:20am, 前面已排咗八十幾個人,
11:30am 開門, 入了五六十人, 我們等到約 12pm 就可以食了, 都算比其他時間快喇!
這是波比的白丸, 豬骨濃湯, 太正宗的日本味道了!
在香港終於都食到呢種味道, 太感動~ 等吓都係好值得的!
我的赤丸, 有黑蒜油的啊~ 雖然知道肥, 但都忍不住把湯喝了又喝!!!
溏心蛋也是滿分的質素!
餃子: 其實我沒大興趣, 因為睇相片已經知道同日本的完全唔同, 係波比先生貪吃囉~
日本的皮又薄又脆, 但這裡的絕不是這回事, 同港式餃子沒兩樣, 其實真的可以唔叫~
離開一風堂, 有條天橋駁去海港城,
為食老婆忽然想起這裡有 COVA, 嘻嘻, 受不了誘惑去做甜魔~ 當是今日跑步的獎勵啦!
還試了 COVA 的 Iced MOKA, 估唔到呢度的咖啡都好有水準!! 唔太甜, 又濃又香的朱古力同咖啡味~
哈哈, 五件大三件小, 很瘋狂吧~
um...... 不過這裡的蛋糕有點偏甜, 真係唔可以食太多~
.jpg)
沒有留言:
發佈留言