2009年8月31日星期一

一天的不同病人

今日遇上好多唔同的病人, 好多唔同的故事

有一個婆婆唔肯食嘢, 打電話諗住同個仔傾傾,
電話中的男仕話其實佢唔係佢個仔, 佢個仔已經唔會理婆婆,
那位先生話婆婆係一手湊大佢的人, 所以對婆婆的感情好深, 所以佢會負責婆婆下半生的生活~
我話我覺得婆婆好唔開心, 所以唔想食嘢, 佢話佢都知婆婆好唔開心, 原來婆婆一向都有 depression...
呢D case, 究竟要夾硬插條喉俾佢維生? 定係尊重佢的選擇, 佢唔食就算啦? 真係好具爭議性.....

遇上兩個開心D 嘅 case, 係D 平時通常唔會有 progress 的 case, 竟然有點進展, 很奇妙~

有個舊 case 特登返嚟搵我, 話就嚟過節要嚟請我食月餅,
婉拒後還是走了上來送上一盒西餅, 一份心意實在感動~~

有一個門診新 case 女病人, 同官恩娜好似樣, 又靚身材又好,
望住佢會驚嘆點解可以有咁索的女人, 哈哈, 我的男同事會飲恨點解唔係佢見呢個 patient 嘛?

2009年8月30日星期日

瞓返夠本

嘩, 過去一星期真係太勞碌了.......
因不停有同事放大假放 sick leave, 真係日日做到死咁濟,
呢兩日博晒命咁瞓, 瞓返一個星期嘅時間~

唔好以為我返五天工作好 HAPPY, 其實以前 5:15 PM 放工, 隔星期先半晝返星期六,
而家日日都 6:15PM 先放工, 仲有無數再遲走的時間, 點計都係比以前長好多工時.....
人人都問點解我做呢份「半政府工」唔可以準時走? 會做到瘦晒?
唉, 或者我做多幾年, 做到做又 36 唔做又36 的心態時, 就可以真真正正享受呢份「半政府工」啦~

平時, 唯有食多d 瞓多d 補返~
買到呢款限量版的粗麵, 開心~

粗麵


當局暫不再令醫生同意減薪
(明報)2009年8月30日 星期日 19:10
醫管局 行政總裁蘇利民 決定,暫時不要求醫生簽署治薪同意書;行政總裁蘇利民致電公共醫療醫生協會致歉。
醫生職系職員協商委員會十六名公立醫院醫生代表,早前總辭,退出委員會,不滿醫管局要求員工簽署減薪同意書,否則被中止合約。

d 醫生真係巴閉, 話一話辭職就攪到大老細要出嚟道歉!
明明係政府話中高級公務員要減薪, 所有醫生都係跟緊 MPS 出糧,
HA 前幾日出咗 E-MAIL 叫受影響同事要簽減薪同意書, 其實都係理所當然, 何來有「迫」的成份?
唔滿意就可以唔減嘛?? 大圍人人都要減喎, 做老師的做官的咪又係要減??

我哋都好唔滿意 2000 年時一減減咗我哋 5 個 POINT, 之後仲要0-3-3 的減薪,
到 2007 年一下子話加返d POINT 又冇我哋份......做嚟做去, 人工還同一個 FRESH GRAD. 一樣!
我哋都好唔滿意o架, 我哋早兩年遊晒行, 政府都冇 SHOW 過我哋....
而家只係有d 醫生話退出委員會, 所羅門就 SAY 晒 SORRY,
真係人的身份地位唔同, 就影響力好唔同嘛? 實在太離奇了.....

2009年8月29日星期六

周身唔妥...

今日起身, 勁頭暈又想嘔, 個病又發作喇....... 仲有唔關事地肚痾........
食完止暈止嘔藥, 藥力發時勁眼瞓, 瞓咗一個下午

如是者, 全日乜都冇做過

瞓醒時已 6 點幾, 同波比先生去食金記燒臘, 今次見唔到滔滔, 但原來蔡生都有介紹過!
$28 碗, $30 碟, 合理化煙幕???

金記

呢度的叉燒、燒肉、乳豬真係好好味o架!

金記

飯後一個人去千色店行吓, 好彩身上得幾十蚊又搵唔到 ATM 攞錢, 否則又大出血買好多無為嘢...

2009年8月28日星期五

元朗的金鳳餐廳

雖然住咗喺元朗都已經 5 年半了, 但原來仲有好多美食老店未試過的,
今日放工攰又懶煮飯, 就去咗食安娜餐廳

安娜餐廳係幾十年老字號, 入到去的感覺就好似金鳳咁,
格仔枱布, 古老的佈置, 打煲呔的侍應, 好得意~

Anna Restaurant

$48 的晚餐有咁多嘢, 抵到爛, 而且樣樣都唔係茶餐廳的求其行貨,
反而樣樣都係有水準的用心製作!

Anna Restaurant

波比先生的西冷牛扒, 好有肉味, 正正正!

Anna Restaurant

還發現了餐廳附近又有兩間新開的甜品店, 有雪片冰又有心太軟, 下次要試試啊!

2009年8月27日星期四

暢所欲言

今晚好開心, 因為約了大學老友記, 一齊上舊同事的新居聚聚舊,
原來我哋已經年幾冇見了, 今日呢個組合其實還是第一次~

參觀同事的家, 傳統名校網的超實用單位, 冇窗台冇走廊長方形格局, 真係 100% 實用率,我們都驚嘆自己住緊的新樓實在相差太遠.......

傾不完的三句鐘, 都是圍繞舊 workplace 的人和事, 實在有太多令人 O 咀的地方~

食了一餐超飽的飯, 還有飯後果, 又有蛋糕,
飽得有點胃痛的離開, 如果聽日唔洗返工就好了!

Cake

2009年8月26日星期三

永遠做唔完的工作

同事放了兩天 sick leave, 呢兩日又好多 referralsssssss, 忙得要死!

當我同 i/c 遲食飯遲放工睇 case 睇到癲時, 又有人好得閒冇 out-patient 時可以吹吹水,
明明俾咗嘢佢做, 佢又成日話冇時間做, 但D 時間就係咁樣 hea......
真係話到幾多次??? 好勞氣!

好攰, 瞓喇~

2009年8月24日星期一

Home Made Burger

woo woo woo~~ 是日晚餐正呀!

上星期去美食展買的澳洲和牛漢堡, 今晚整嚟食!
煎的時候, 已經見D 肉汁係咁必出嚟好香!
一塊其實好大, 可以切開兩件~
加上烘了的麵包同埋半溶的車打芝士, 嘩, 真係好好好好好味呀!!!

Burger

大家見到D 肉汁嘛? Sorry to make you drooling! hehe~~~

Burger

另外還有健康的沙律, 飽飽了!

2009年8月23日星期日

好書

睇緊尋日買的攝影書, 嘩嘩嘩, 好好睇!!
講嘅嘢深入淺出, 好多之前聽過但一知半解的東西, 終於都明白清楚是怎麼回事,
好過上次嘥時間去上所謂的攝影班啊!

睇完一大堆的理論, 還是實踐最緊要, 不過今日天氣太熱, 真係唔想捧住咁大部機出街......
於是喺屋企影吓都好~

18mm

18mm

同一位置 55mm

55mm

DSLR zoom 完之後, 都比 DC 仔 sharp 啊!

下午三點先出去食今日第一餐, 周圍的茶餐廳都勁多人, 行行吓就去咗嗎哪廚房, 估唔到有驚喜!
$24 的自選 tea set, 選了三樣我都好鍾意食的東西, 太好味了!
脆脆的西多加牛油, 實在肥咗都不能抗拒!

三拼 Tea

波比先生的公司三文治, 嘩, 估唔到咁大份咁多料!!

公司三文治

還有我最愛的紅豆冰啊, 後面的是咖啡紅豆冰!
紅豆煲得好夠林, 唔太甜, 正呀!

紅豆冰

2009年8月22日星期六

Computer Expo 09 and Happy Gathering!

又到一年一度的電腦展了, 今年唔只我哋兩個人, 還有肥仔同 So's couple 一齊行, 好開心!

1pm 前業界人仕可以憑卡片免費入場, 我都「借用」了波比同事的卡片, 扮業界入咗去!
要即刻俾張卡片個職員, 佢即刻用電腦 print 有你名的掛頸名牌出嚟, 入場仲要 'do' 個牌嘅 bar code, 好似好 pro 咁!

人人都話今年場地大了好行好多, 我都同意, 往年係好似行年宵咁根本得個迫字, 係埋唔到d攤位的,
今年就70% 的攤位通道都唔會人迫人, 真係可以睇吓嘢囉!

今年的感覺同往年好唔同, 唔知點解冇晒D 大牌子的大攤位,
往年一入去一定係 Canon, SONY, Nikkon, Espon, hp, IBM 等大牌子各佔一個大攤位,
有勁多青春無敵的 promoter 讓人任影,
今年真係一個都冇..... 反而係 Pentax 同 PCCW 霸了頭位,
可能金融風暴, 間間公司都縮減成本, 唔再o徙咁多錢擺檔了 (因為我當年做 Canon promoter 時, 都係齋介紹產品而唔會喺自己 booth 賣嘢的, 所以其實只收宣傳之效而冇即時利益可言),
少了呢D 龍頭大牌子, 整個 expo 都好似失色了, 尤其準備晒相機的龍友一定好失望

Computer expo 2009

賣的東西其實如 forum 所說, 都唔係特別平, 不過我哋各人都買到D 心頭好!
我買了相機袋俾 SONY 仔喇! 好開心, 原價要 $380, 而家賣 $280, 唔洗諗即買 (好彩早幾日冇買到咋)
http://www.hkdcplus.com/store/ch/product_details/veryM/index.html
仲有買咗本攝影書啊! 本來仲有支魚眼鏡想買, 但今日冇帶機喺身, 試唔到個效果, 所以唔敢亂買~
而我哋三家人, 每人買了一台 server 返屋企啊, 呵呵呵!
冇錯, 真係電腦的 server, 用來好朋友分享資源的~還有好多好多.......

行咗三個鐘, 就去西寶城食 lunch, 香辣屋唔錯啊!

Thai Food

之後就係參觀豪宅的活動, 果然係背山面海, 優質校網,
一邊望著大家的母校 HKU, 一邊望著無敵海景, dup 低頭就係無敵池景 + 鬼妹 + Bikini,
住客好多都係外國人有好可愛的鬼仔 BB, 呢D 先係正宗豪宅嘛!

Wonderful seaview

男孩子在打機, 我就好專心睇我的戰利品~

New Photo Book

House warming 完, 就去了肥仔屋企再玩過~
實在太開心太充實的一日了~~~

望望月曆, 下星期六就係我的最後一個 free Saturday 了......
之後要返學, 可能好難先可以再嚟到大家的 gathering~

2009年8月21日星期五

Hot Hot Day

嘩, 今日好鬼死熱......
喺唔同病房走嚟走去, 滴晒汗......
去到隔離病房又要著 gown, 頂唔順要除咗件白袍先, 否則真係中暑都有~

今日又見到肥妹仔 BB 了, 佢真係好好好可愛!!!

老細放大假的日子, 好忙好忙........
6:30pm 先走, 趕去荃灣同波比 family 食飯, 慶祝波比妹妹生日!

雪糕蛋糕啊! 第一次食咋~ 唔錯~

Ice cream cake

Ice cream cake

捱過了辛苦的一星期, 終於星期六了, 要去玩到癲!

2009年8月20日星期四

香港都有 Jelly Soda

上個月喺台灣試完好正的有汽 Jelly Soda, 估唔到而家香港都有得賣, 好嘢~

Soda  Jelly

2009年8月19日星期三

22 分鐘就到

今日上第三節的 counseling, 開始覺得悶悶地.....
只講了大 principle, 但係我想要的 practical technique 還是來來去去都未講到.....

返完工再夜晚上堂, 真係幾辛苦的, 又肚餓又眼瞓.....

上 course 的好多都係社工, 聽佢哋講嘢, 有D 真係幾 presentable 幾得!
可能我從前工作見過的, 都係只識將 client 說話 rephrase 講一次, 又從來俾唔到咩有建設性意見的社工, 處理唔到問題兼會製造問題, 求其睇完本書, 就話自己識XX 治療法仲去教家長,
真係 O 晒咀o架!
今日所見的, 係就係後生D, 但感覺截然不同~

上完堂, 試吓搭西鐵返屋企,
等車等咗 7 分鐘囉~~
但上到車真係好快, 22 分鐘就由尖咀返到元朗喇~~ 好勁呀!

望著縱橫交錯的鐵路圖, 香港的鐵路系統有一日會好似日本 JR 咁勁嗎?

2009年8月18日星期二

風月堂之又 gathering

等了又等, 終於又到我哋大學同學仔的 gathering 了!

超級多謝青青的北海道手信 (尚有給波比先生的杯麵未能盡錄)

Food from Hokkaido

今次 gathering 到了風月堂, 食物超水準!
環境又靚又舒服, 又唔會趕人走, 坐了三個半鐘吹吹水, happy 也~~
可惜阿華要趕 paper 嚟唔到, 否則一定更爆笑~

風月堂

等埋 Eva 返嚟, 我哋再 gather 過o丫!

2009年8月17日星期一

從日本來的禮物

早兩星期咪話中咗獎嘅, 今日打開信箱, 份禮物終於都寄到嚟喇!
吓, 乜原來咁認真, 真係由九州寄嚟o架???
日本人親手寫上我的中文名在信封, 感覺好趣怪!

Gift from JP

打開了 -->

Gift from JP

原來係環保袋一大個!
哈哈, 如果我有機會去九州的話, 我一定會帶呢個袋去的!

Gift from JP

今日去了別的醫院做替工, 喺呢度睇 case 永遠都係快好多,
因為係細醫院, 好少有人同你爭排板, 好少會唔見咗個 patient 去照 CT/MRI/X-ray....

睇咗 16 個 case, 都可以準時食飯收工,
食飯搭車時, 又可以刨吓部新相機的說明書, 嗯, 好大的學問啊~

一個拎住部大機的女仔, 原來好多人都有個問題, 搵唔到合適的相機袋,
街買嗰D, 好阿叔 feel......
見到 SONY 有個, 好OL 啊~~
http://www.sonystyle.com.hk/ss/product/alpha_accy/lcs_tt10.jsp

又有間器材公司的, 輕便 style 都唔錯咁喎!
http://www.hkdcplus.com/store/ch/product_details/veryM/index.html

努力研究緊部機, 見到人哋支 50mm/F1.4 咁正, 又想敗家......
真係一個無底深潭.....

2009年8月16日星期日

終於都.....

今早同波比先生去咗睇<<麥兜响噹噹>>, 輕鬆又好笑, 只可惜得 80分鐘好似太短喎

黃昏時份約了 Elana 食個 tea, 點知我哋本來約咗人的晚飯都臨時取消....
於是 tea 就變了個 early dinner~

很開心今日見到妳啊, 談旅行談攝影實在太令人興奮
希望不久的將來, 我們有機會出來拍拍照吧!

主菜可以唔影, 甜品一定要記低~

Choco

流心又唔太甜的感覺, 淡淡的蛋香, 唔錯!

Choco

想來想去, 今日, 最終都敗了家, 買了一件大玩具......
大機影出來的影深果然唔同!

A330 Testing

顏色偏 soft

A330 Testing

不是我用開的 P 記, 好多掣完全唔識點用, 有排摸......
要對焦對啱想對嗰點, 原來都有D 難度, 部 LX3 真係易用好多!

人家用大機嚟影 BB 影寵物, 我兩樣都冇,
不過我會努力嚟影麥兜影波比先生, 嘻嘻~

A330 Testing

有趣的價錢

今日係西鐵九龍南線通車的大日子,
波比先生今日一早就貪得意去買了 8-9 月的屯門 <--> 紅磡全月通了!

上網睇睇新價錢, 好有趣喎,
由元朗去紅磡要 $16.8,
但係由元朗去紅磡再轉東鐵去九龍塘, 只需 $15,
再搭多兩個站去沙田, 都係 $16.2,
條數係點計出嚟嘅呢???

West Rail

Anyway, 常常去紅磡踢波的波比先生就最開心了, 因為搭西鐵去好快就到~
我就星期三上完 Counseling 返屋企都方便好多!
住近西鐵站的我們, 真的覺得好方便啊!

2009年8月15日星期六

PhotoLadies Gathering

Food Expo 之後, 我去了 CWB 參加了一個網友聚會, 幾十個全部都係愛攝影的女孩子,



負責人係靚女一名啊~



大家影的相片都好有質素好靚呀~ (e, 有我張相喎!)



有D 相片背後還有一個個的故事, 好有深度,
灰色衫的女孩子影了一張相, 係一個小朋友趴喺地下執垃圾食,
張相係佢去貴州幫D 窮人起學校時影的 (嘩, 好偉大的任務)
佢話嗰度好窮好窮, 張相十分震撼



仲見到王穎同黑米添 (其實好想知道, 佢哋係咪情侶呢?),



不過因為波比先生在咖啡店等我, 不能留低與各人詳談, 希望下次有機會吧~

Food Expo 2009

這是第三次我同波比先生一齊去美食博覽了!
懶床緣故, 本來諗住懶勁一開門就去到, 點知攪到成 12pm 先到, 已經幾多人!

對上一次係 07 年去, 今次再去, 感覺上行得舒服咗少少,
少咗嗰D 勁排隊的免費試食攤位,
多了些有質素的外國食品,
好多人都拉晒車咁嚟, 橫衝直撞唔睇路, 瘋狂掃貨好似唔洗錢咁......

老實講, 我又唔覺D 嘢係好平, 我哋都係主要試吓D 平時較少食到嘅嘢,
同買D 平時一定買唔到的食物!

即食篇:
雪糕 puff, 鮑魚 (波比至愛, 我就麻麻), 台式小香腸 (正!), 再鮑魚

Food expo 09

蟹腳, 黑珍珠 (好想再去台灣), 再來台式一口小香腸, 日本青森蜜瓜 (都係北海道的好食D)

Food expo 09

日本的 Mochicream 都有 booth 啊! 日本嘢擺出嚟都靚過人!

Food expo 09

仲有好多人買的長腳蟹, 本來都想買的, 但後來已經買咗太多嘢了, 放棄.....

Food expo 09

買咗咩咁重?
香港買唔到的韓國撈麵(5 包裝) x 2,
UCC 咖啡 x 2,
台灣一口腸 x 3,
超正和牛漢堡扒 x 3
之前兩次都冇咁多收穫, 好滿足!

2009年8月14日星期五

Wifi activated!

放工又遲走, 出旺角食飯,
波比先生一見到我就遞上麥兜八達通掛飾的另一款 (昨天的是麥嘜),
嘩, 麥兜可愛過麥嘜好多呢~
問極個衰佬都唔肯講幾錢 (老公買嘢俾老婆會聽到的第一條問題),
上網 check 原來成百幾蚊個....... 不過都尚算平過 Hello Mimi 嘅~~~
肉痛但都好多謝老公~~

02

本來想去食十勝豚肉, 但經過途中的一間日本食店, 被那什錦刺身飯吸了入去

JP Food

飯後行行街, 睇電話又睇相機,
波比先生係咁叫我買 iPhone, 睇過幾個台的 plan, 3HK 最抵不過喺我間醫院係衰到收唔到的......
查實都懶係「為咗讀書返學時上網 check 資料方便D」, 我又唔係覺得太值得去用幾千蚊....
(因為我部電話都好地地, 又有 iPod Touch)

返屋企, 無意中發現期待以久的大學生免費 Wifi account 原來要自己上網 activate,
而唔係 IT Dept 通知你 activate 咗,
activate 咗個 a/c, check 埋我上堂的地方都有 Wifi network (本身都擔心買完 iPhone, 跟住喺醫院的隱蔽 Lecture theater 逢旨收唔到),
正, 咁我可以用 iPod Touch 上網了! 超 Happy!!!!

2009年8月13日星期四

增肥中

呀, 呢排唔知做乜, 食得又瞓得!
晚晚飯後都仲生果蛋糕朱古力, 一路食一路好有罪疚感.......
平時搭車一定瞓唔著的我, 呢個星期開始, 搭村巴放工竟然可以瞓足大半程,
太好了, 終於都唔洗眼光光地搭成個鐘頭車喇~

腰間開始長肉, 哎呀......

波比先生放工偷偷地去買了呢個八達通俾我呀!
嘩, 好可愛, 點捨得拆嚟用?

McMug Octopus

2009年8月12日星期三

Counseling Lesson 2

今日見了一位幾個月冇見的女仕, 隔咁耐先再見, 係因為佢已經睇咗我呢科好耐,
要幫佢要試的東西, 通通都試了, 可以佢仍然一路一路差落去, 我們已經沒什麼可做....

一年來, 見著她一路一路差, 吃得說得都困難,
一次比一次消瘦, 瘦到得 80磅唔夠, 瘦得 lup 入去的面頰.....
幾個月冇見, 忽然長了半頭白髮, 差點認不出她.......

老細常提醒我, 適當的時候, 我們要對 patient counsel down,
讓 patient 準備最壞的將來
我問她到有一日退化到很差的地步, 她打算怎樣?
她說不到兩句就哭了, 好彩她的兒子在旁安慰

就是這些愛莫能助的感覺, 時常纏繞著我..........

今晚去了上 counseling 的第二課, 這個課程會教人如何面對死亡,
自己的還是親人的, 要面對原來都有很大的學問,
遇上這些人時, 總希望簡單一兩句說話, 可以令人好過一點~

2009年8月11日星期二

麥兜响噹噹

呢兩日喺youtube 見到麥兜响噹噹的預告片了, 一定要睇啊!

2009年8月10日星期一

鑊氣小炒

今日放工塞車, 遲咗返冇煮飯,
於是去咗大排檔試試好似好吸引的 $88 四餸一湯,
嘩!!! 真係冇花冇假o架!!! 味道仲好唔錯添!!!
不過露天地方, 就唔係好啱波比先生呢D 大汗仔囉~

大排檔

之後去咗美心買咗個魔鬼蛋糕, 終於都買到喇, 我恨咗好好好耐喇,
但次次都唔啱時間, 佢又唔多分店又早收,
捧著蛋糕回家, 最最最開心!

Devil Cake

Devil Cake

今日收到了 Master 學系的 e-mail, 我9 月5日開學了!
倒數下只剩三個可以好 hea 的星期六, 我要好好 hea 下去!

12月中要考試, 生日嗰個星期, 成個星期都要溫書了, 慘.....

第一科又係 Anatomy....... 讀過 n 次但讀完永遠都會好快就唔記得的科目.....
睇吓詳細的科目 list, 好多科的 topic 都好 interesting 啊,
都係D 我成日都會喺醫院見到, 但唔係自己個 field 就一知半解的東西,
呢一科睇嚟真係可以學到好多嘢啊! 緊張~

2009年8月9日星期日

Missing Hokkaido

今日約了好友阿靜食生日飯, woo, 收到好多佢由北海道帶返來的手信,
好開心啊~~~

From Hokkaido

睇咗阿靜同青青的北海道照片, 嘩, 美食同靚景實在羨慕史人咯~~~
我同波比先生都好想去.......
不過上年先啱啱去完 (雖然感覺上好似去完好耐), 我忍!
下年或者下下年啦, 一定要去多次呀~

今年 11月之行, 有D 想去九寨溝,
今日去了康泰問問, 嘩, 6 天團要 $9000, 再加成千蚊雜費,
成皮嘢不如去日本 (波比先生心聲)
又唔係好明點解有D 暑假團反而係四千幾就得???
再研究吓先!!!

2009年8月8日星期六

有得睇冇得入

尋晚成3點幾先返到屋企...... 今日波比先生又真係可以瞓到成 3pm 都仍然熟睡 mode,
要我摌佢先起身........

4點幾去到荃灣廣場, 目的是為了與麥兜見面,
點知今日因為係首映禮, 可影相的地方都欄住晒唔入得, 有得睇冇得入..... 慘......




唯有睇睇片頭吧, 片頭都好吸引了!
下星期一定要去睇呀!!!

麥兜响噹噹

行了行, 見到有間小小的零食店有呢款網友推介的通心薯條, 即刻掃咗兩盒再加一盒古古力先!

080803

行街, 買衫, 睇玩具, 就是一個愉快的星期六了~