我畢到業喇!!!

今日在病房撞到 Master course 的同學仔, 佢話我聽好似出咗成績喇!
哈, 因為之前次次都被騙, 次次 Department 都唔會跟 official date 出成績, 所以今次我都完全冇心去 check~
返到 office 一睇, 真係出咗喇!!!!!!!!!!!!!!!!

我份 thesis 攞咗 A 呀! 好開心!! (不過其實可能 A 是不太難的, 我好多同行的舊畢業生都是 A 的, 或許因為我們讀 bachelor 的時候都已經寫過 dissertation)
Average GPA 3.902, 可惜我這個 Master 是沒有分 Distinction 畢業的,
總之, 自己很滿意自己的成績啊, 我成功畢到業喇, 是這個星期完結前的最大獎賞!!
期待, 12月行畢業禮了 :P

平時的話, 今晚一定是出街食慶祝了!
不過 Him Him 尋日打來, 話要上來我屋企學整腸粉喎, 所以今晚在家慶祝啦!

今晚整咗日本烏冬拼豬軟骨溏心蛋, 雞串燒, 日式蟹棒冷麵, 哈哈, 大部分都是屋企對面日本食品店的食材~
不過近來日元高企, 攪到佢嗰度好多食材都貴咗勁多! 有D 貴了 50%! 真係買唔落手..........

食完飯, 我們開始整腸粉了, 哈, 今次整得唔錯呀, 皮薄薄的叉燒腸, yummy~
估唔到我的第一個入室弟子, 就是謙謙啊!



謙謙還送了我兩份很很很喜歡的禮物, 一是 Cookie recipe + 曲奇模,
我很少整曲奇, 因為真的太多牛油, 太肥了.......
不過這星期食了曲奇四重奏的蝴蝶酥, 嘩, 實在太好食了!!! 攪到呢期好想整餅!

第二份禮物係一本英國的食譜書, 超愛啊! 連 French Onion Soup 同炆羊膝都有教, very good!
波比先生, 這些禮物比麥嘜麥兜來得更合我心意啊, 下次你都係留返D 錢買廚具俾我好了!