我哭了

早上看了電視機的畫面, 整個早上心情忐忑
中午, 我在元朗想買點物資出中環
我不能做太多, 但切切實實覺得要做很微小的一點, 去保護那些學生


走了幾間舖頭, 成人雨衣都賣光了, 在日本城我遇上一個手執口罩眼罩的女孩, 與我同樣地在撲雨衣, 心中就是感動
最後, 走了幾條街, 好不容易地掃了十五件雨衣

女孩告訴我, 眼罩更重要, 我便去了五金舖買,
店員說今日太多人買了, 最好保護性的都賣光了, 次一級的也唯有照殺!
如是者, 20 個眼罩
原來世界人有很多有心人, 再一次感動!

來到中環, 由龍和道行過去, 點知來遲了, 剛被警察封了路
大家無奈調頭, 再尋出路




三十四度烈日下，我見到婆婆加父母帶兩個孫來，又見到衣著十分高貴的爸媽帶小朋友來，我以為有錢的人會不太關心政治, 因為對他們的影響總不大,
有冇普選, 明天我照返工照出糧, 照飲紅酒食 buffet 揸靚車, 關我 x 事
但這對爸媽語重心長的話: 「走出來, 就是為了下一代」

在路上聽到人話:
- 我哋都係自願來的，要支持吓啲學生
- 而家唔做，第時可能冇機會
- 冇理由得啲學生咁辛苦
- 要拉拉我哋好了
這是真真實實的說話!

仲有的士司機特登兜來，交低了兩袋物資，KE9278 的司機叔叔, 贏盡了我們的掌聲
又見到好多市民陸續到達，大家都是自願的, 沒人迫的, 為著良心而來的, 食物用品通通帶來

義工在烈日下指揮市民要行第二條路，市民都問佢要唔要遮，要唔要水
香港人，很有人情味
見到這些情景，我眼淺, 在街上感動得哭了

最後我入不到去, 把物資交了給民主黨的義工, 希望可傳到有需要的人手上

晚上播出金鐘道市民「衝擊」警方而被噴胡椒噴霧, 有人誤會是市民激進,
但我只想說, 如果你是與我一樣 1:30 去到中環, 帶了物資給集會人士,
由 1:30 企到 6:00 警察都唔放人入去, 應該怎麼辦???
所謂的「衝擊」, 可能就是這群無奈的人唯一的出路~
大家或者擔心著入面會不會缺水缺糧, 我們就是擔心著一些素未謀面的人

見到帶著面罩的警察, 我想起了那夜零晨的面具人, 心寒了
今日的市民就像紅 van 上穿滿了防護裝備的生還者
呢個已經再唔係我哋熟悉嘅香港
我哋係時候面對現實

人在做, 天在看
若然未報, 只是時辰未到

真正的 farewell

來到九月的最後一個星期五, 也是我真真正正道別大醫院的日子~
其實尋晚好想親手整D 食物請同事食, 但又好攰最後冇整了~

不經不覺六年半, 有很開心又有很辛苦及痛苦的時刻,
很開心在這裡工作過, 又有很好很好的同事! 我真係會好唔捨得大家的!!
但最後一日, 怱怱忙忙, 好不容易才 pack 好晒我的家當, 真係好多好多..........
多得同事幫我手搬上車, 還鎖匙, 換制服, 完成了我的最後一天工作了~

見埋最後幾個門診病人, 感觸良多, 有D 病人真係好唔捨得佢, 因為睇咗好耐了,
同有D 家人病人, 就像朋友~
好彩接手我的 cases 的同事, 也是一個十分優秀的同事, 我相信病人也會得到很好的治療, 也覺得放心~

放工後, 同事同我 farewell, 破戒食吓大排檔煎炸嘢, 好放肆 :P
我得閒都會返嚟搵大家食飯的, 又或者等我幾年, 我會回來的~

[愛甜品] 黑芝麻芝士蛋糕

今天是醫院一位社工的 last day, 造了個黑芝麻芝士蛋糕請佢食
一個典型的活潑型人，常為我們幾個部門的同事帶來歡樂
他走了或許會靜好多，但他們社工就是要幾年一調，
希望他在新工作地方也工作得開開心心

[愛住家菜] 蜜汁燒豬頸肉

逛超級市場時, 見到豬頸肉, 見好耐冇食過就今日整!
這個蜜汁燒豬頸肉超簡單又超好吃, 豬頸肉用少許鹽醃吓,
再兩面搽叉燒醬, 200 度焗爐焗到邊緣開始燶就得!

因本身我超愛吃叉燒, 有叉燒的味道又是爽滑的肉質, 真係冇得彈!!!
我還是第一次用叉燒醬, 那味道真是十分叉燒, 用來整燒雞翼, 應該都是十分好吃 :P



今晚還有肉醬意粉, 加了同事在沙巴買給我的辣椒粉, 超辣超刺激
因為身體的狀況, 胃口很差, 常常就是煮又酸又辣的菜色才吃得下

[愛跑步] 美味朱古力香蕉可麗餅 x 再來長課

波比今朝又再練多次 >30km 的長課, 為了幫佢加油, 今朝我決定整最高糖又美味的朱古力香蕉可麗餅
可麗餅滿載我們的回憶, 第一次同波比先生去台北旅行, 吃過西門町那美味的可麗餅, 畢生難忘
每次到台灣, 總是想吃~

香港偶爾也會見到, 但賣得搶錢的三四十蚊, 我才不是豬頭,
自己整, 十蚊成本三大件了!

食譜:
1. 10g 已溶牛油、15g 糖、少量鹽、150g 鮮奶、兩隻蛋拌勻
2. 篩入60g 低筋麵粉, 拌至沒有粉粒
3. 平底鑊可不落油 (因粉漿已有油), 預熱後調至細火, 倒入薄薄一層粉漿
4. 見到邊緣變啡變脆, 就可以反了, 反後再煎多一至兩分鐘就得

加咩材料都咁開心, 我就梗係加返第一次食的香蕉朱古力,
自己整多料多醬, 熱辣辣, 好好味!!!



未到七點, 就去到荃灣了, 今天約了元朗跑友練習
好, 又出發了!



身體還可以的話, 我還是想 keep 返一點運動,
運動開的人一下子全停了, 恐怕產生出的新毛病會更多!
運動是 gentle 一點應該沒太大問題吧?

近來遊了兩次水, 但我游水不是太叻, 很快沒氣會氣喘,
在水中我總覺得水壓會壓住胸口引致呼吸困難, 用浮板游才會自在一點......

今天就來個慢跑, 約 7min/km
今天的天氣太好了, 唔曬, 有秋風, 26度, 不去跑步就是浪費!



去到深井, 竟然追到波比先生一班人, 哈哈, 唔係嘩, 你哋俾我捉到偷懶了!
今日有力, 去遠少少到豪景花園先停



完成 8km, 感覺就是超好啊!!!
感恩有好天氣, 感恩有可以跑步的身體, 希望身體會一路健健康康~

[愛甜點] 自家製蜜糖合桃 (食譜)

星期六的下午, 可以吃個炸雞脾薯條下午茶, 是非常的幸福!!
多謝阿姨姨丈陪我們吃 Tea, 每次見到佢哋總好開心, 笑死了的下午
笑多D, 人都健康D~



屋企有包合桃, 興起想整到好似街買的蜜糖合桃咁當小食, 原來也不是太難

1. 合桃用 200 度焗爐焗 6 分鐘, 千祈唔好焗得太耐, 會苦的!
2. 以下放大鋼盤拌勻: 20ml 水, 60g 糖, 20g 蜜糖, 少少鹽, 10g 牛油
3. 大鋼盤放在滾水上, 隔水煮溶糖漿
4. 糖漿全溶後, 加入合桃及芝麻拌勻, 合桃再攤開放涼, 完成

甜甜地的合桃, 真係會食完一粒又一粒,
同埋自己整, 平過喺街買好多, 又唔怕會有防腐劑 , 食得安心又健康~

[2014 北海道] 再訪旭山動物園

我們 byebye 了道北, 要回道央了!
由上湧別揸車去旭山動物園, 差不多 140km, at least 2hr30min..........
波比先生又大覺瞓, 我就專心踩呀!!!
行了半個鐘, 終於上到久違了的國道!!!! 唔洗再揸 50km/hr 喇, 可揸 80km/hr 真係好鬼感動!!!
但我乖乖的揸 80, 又是俾人嫌慢, 得一條線, 好多車推我, 佢哋起碼行百幾!
唉, 我都好難捉摸究竟幾時先可以安全地超速囉~

最後兩個鐘唔洗就到了旭山動物園, 好開心啊!! 又可以來探北極熊了!!!



閒日的下午, 人絕對不多, 行得好舒服~
上次二月來, 下著大雪, 因為太凍了, 我們很多地方也沒有仔細行, 今次真正可以慢慢看!

今次來, 園內新建了一些地方, 多了些動物, 所以仍然很有新鮮感~

長頸鹿由東門搬了來正門一入左手邊~



好近呀~~~



新建的河馬館, 通常的河馬池的水都是污濁的, 很少可在清澈的水中見到河馬的一舉一動~



好可愛呀佢






然後是馬和羊, 上次沒看到啊~









記得上次就是到這可愛小動物區避雪






新的河豬區呀, 最攪笑係河豬同馬騮一齊養, 更攪笑係隻馬騮會突擊整古隻河豬, 睇到人人哈哈大笑









另一新的馬騮區






特別在有一伸延出露天地方的區域, 馬騮仔就在你頭頂盪來盪去





原來小熊貓區都有露天部分啊





動物仔可走出來曬太陽, 定必開心好多






呢班企鵝又係攪笑, 有職員洗緊地, 水噴到邊佢哋就傻更更咁避到邊



棕熊都好可愛!
北極熊留在下篇寫~



其他遊記: 2014 北海道道東芝櫻之旅 - 總行程目錄

[愛住家菜] 咖喱炒蟹 (附食譜)

秋風起, 見到街市的蟹又肥又多膏, 忍唔住買咗兩隻返來整!

我有一本食譜書教整咖哩炒蟹, 是有蛋花的咖哩汁, wow, 我超愛呀!!!

1. 蟹呢, 我先蒸十分鐘蒸熟佢, 因為唔想炸
2. 咖哩汁原來不難整, 但都要幾多材料:
薑, 蔥, 蒜, 南薑, 乾蔥起鑊,
倒入雞湯 500ml, 咖哩粉, 加蟹同煮,
滾起加椰汁, 埋獻, 加入兩隻蛋的蛋漿, 兜勻即成

呢個汁送飯是一流啊!!! 不過我落得太多南薑了, 攪到味道有少少苦.......
下次要再整得好d!

[愛住家菜] 好味炆豬軟骨 (附食譜)

因為好耐都買唔到靚的豬軟骨, 好耐冇整過呢個餸,
尋日打風時在街市掃到兩盒, 就可以由尋晚炆到今日有好味的豬軟骨食了!

今次又試試不同的醬料:
海鮮醬、甜麵醬、生抽、老抽、蠔油各一湯匙,
加適量的水, 仲有蒜頭、薑、冰糖一小塊去炆,
夜晚慢火炆半個鐘  > 真空煲焗過夜 > 第二朝再炆一個鐘 > 真空煲焗到夜晚
放工再落埋紅蘿蔔同薯仔, 炆多半個鐘, 完成!!!

因為落了海鮮醬同甜麵醬, 味道甜甜的, 我最鍾意 :)
同場還有椒鹽多春魚, 落多D 薑汁可辟腥味



今日係今年首個八號風又真係唔洗返工的日子,
不過我還是五點幾醒了, 有一個上午, 可清一清堆積了的待辦事項, 實在太好~

可幸而家有得揸車返工, 唔洗同人迫, 打風無論是趕返工定趕放工其實都好慘啊......

[愛住家菜] 冬陰公 x 檸檬雞翼

三號風球下, 急急放工返屋企,
搭車塞到爆, 感恩司機好醒目會轉路線, 否則一定會七點幾先返到屋企......

今晚一早決定了要煮冬陰公, 即使打風都要煮, 哈哈, 我就是有一點 A 的性格
去街市, 簡直係打仗咁, 所有檔口都趕住收工, 好多食材都俾人買晒.......
行了一遍又一遍, 好不容易先買齊十幾樣食材預備今日同聽日的餸菜,
在家有餐安樂茶飯食就是很感恩~

超開胃的冬陰公, 今次的味道好好, 兩個人飲了大半煲



再戰檸檬雞翼, 上次我覺得咸了少少, 今次少D 醬油, 多D 檸檬汁, 我較鍾意呢個版本呢~

[愛跑步] 陪練 30km

波比先生練長課, 今日要去到 30km 了,
晨早五點幾就要起身, 用自家麵包整咗牛油果蛋沙律三文治俾佢食, 食飽D 先出發!



我自己就食 Lemon Curd 搽包包, 真係超好食o架!
以前細細個我好鍾意食羅拔臣出的檸檬醬, 但而家買唔到了,
尋日行開 Taste 見到呢款外國牌子的, 今日試食都完全是羅拔臣的味道, 好鍾意~



未夠七點起出到荃灣西站






拉筋後波比同跑友出發了!!



我呀, 都係冇得跑啦, 打算行去深井當簡單運動吓, 不過行行吓又好腳痕,
最終超慢跑吓又行吓咁~



好快見到汀九橋喇, 唔好睇七點咁早, 其實都好多好多人跑!
一路行一路同人說早晨, 簡單快樂的早上~



但今日真係有點曬死人, 但一至五困在室內, 星期六日出來曬曬,
可吸收吓維他命 D 幫助造鈣質, 出出汗排排毒, 其實是賞心樂事



yeah, 到深井了!!!!! 我的 6.4km 之旅完結, 搭車返屋企~



之後去酒樓搵定位等波比先生返來, 見到佢, 半死的樣子,
哈, 今天太太太熱了, 唔擔遮行十米都會熱到人想史.......
佢由荃灣跑到返元朗, 30km, 真係好犀利!!!

應該是好好好辛苦, 但有得跑, 是一種福氣,
今天讀了蔡東豪先生的文章, 不能認同更多!

是時間吃大餐喇!!!



運動完人就是特別開胃, 還有我最愛的椰皇燉鮮奶, 好正!