Enjoy my holiday

新年忙忙忙去拜年, 其實真係好攰, 今日終於可以抖吓!

今日係謙謙嚟我家拜年的日子, 冇見一輪, 我同波比先生都覺得佢大個咗好多,
個身形終於都唔似幼稚園學生!

多謝佢同媽媽整的木糠布甸, 好 creamy~
上面的士多啤梨仲係佢尋日同媽咪去士多啤梨園摘的, 好香好香!

玩完一輪 Wii 又睇相, 臨走嘅時候帶佢去我哋屋企 basement 的停車場睇車,
好多靚車, 開心史佢呀!


還有喺屋企大門口影的相, 想影呢個景好耐了!



之後我同波比先生去了屯門市中心的Riso Cafe

脆脆的麵包, 酸酸辣辣的雞翼好惹味啊!

到青衣晚飯之前, 到了葵芳行行,
新都會廣場已經換上情人節佈置了~

回家睇 蘇 far so good, 見到阿蘇介紹的生煎包我哋上年去台北都有食過,
勁多人排隊, 真係好好味架 (不過了口的波比先生當然話喺上海食嗰 D 好食 D)

仲有佢介紹的「豬肉紙」, 就係我哋喺清境山上買到嘅手信,
真係超超超好食架, 有機會去的朋友一定要買~

睇到阿蘇喺十分放天燈, 好似好正喎!
可惜我哋上次因為路途太遠, 改咗去烏來~
將來再有機會的話, 一定要去吓呀!

我們的豪華春銘

今日去做替工, 好勞氣, 遇到一個真的很 PK 的護士,
令到我第一次喺醫院咁惡哋對人講嘢!

唉, 攪到 7PM 先放工, 本來就係約咗 7PM 喺長沙灣等, 上青青屋企拜年.....
唯有搭完一程公共交通工具後, 再轉的士!
又幾快喎 , 45 min 就到!

見到難得返香港的 Eva, 仲有好多好耐冇見的同學仔, 哈哈, 好開心!

之後我哋去咗裕滿人家食我哋嘅春銘, 嘩, 嗰度都好靚吓, 16人的大枱, 超寬闊的梳化椅,
Very Good!

睇吓我哋幾豪! 嘩, D 食物仲好食過去飲嗰 D 呀!

多年前我哋都去過美心攪春銘, 已經唔記得係邊年了....
今次好難得咁齊人, 真係好開心呢!

唔同年份, 我們的話題已經轉移到不停講結婚, 出年我又派少兩封利是喇, 哈哈!
過幾年可能就會不停講生仔湊仔, 哈哈, 唔知第時邊個係最早會帶個 B 嚟我哋嘅春銘呢?

初三之玩狗開賭

去完晒親度拜年, 今日開始去朋友度喇!
我們去了波比大學同學林宅度拜年, 有超超超可愛的八哥小狗 (<--我的最愛!)

佢呢, 肥到頸度有兩摺肉肉, 肥到件衫攪到佢好似扎肉, 肥到我都抱唔起佢~
一個懞豬豬的樣, 叫佢佢就擰歪個頭望住你, 超攪笑!

仲有大金毛尋回犬, 同埋迷你松鼠狗, 隻隻狗都有唔同 character~

之後就係6 小時的越南麻雀大激戰, 食完細牌又輸返大牌, 噢.......
哈哈, anyway, 好開心的一日~

開年

年初二, 去了波比舅父家開年, 有冬菇鮑魚花膠海參鵝掌雞雞魚魚菜菜,
晚上去波比家開年, 又係冬菇鮑魚花膠海參鵝掌魚翅豬腳蠔豉菜菜,
中間加插舅母不停質人食生果飲湯, 仲有波比媽媽不停叫人食蘿蔔糕,
今次真係肥 C 了.......

下午同好玩得嘅波比姨丈仲有 D 姪仔姪女玩啤牌, 輸咗幾蚊不過笑咗一個下午,
係新年大家先會咁玩~

今日仲去咗睇「游龍戲鳳」, 難得的港產愛情片, 細緻地拍出每一個人的內心,
特別喜歡何韻詩的部分~

不過結局好似有 d 草草了事趕收工, 相信唔係大家期待的驚喜結局,
而且問題好似還未解決, 就結婚了?

大年初一

大年初一, 恭喜恭喜!
今年係我哋第二年派利是, 睇吓幾多唔同款!
哈哈, 記得上年喺肥仔家我哋玩抽利是, 有 $10, $20, $50 俾你抽,
點知人人都係抽到 $10, 笑死! 今年再來好嗎?

第一站去了二伯父家, 見到已經十幾歲的小狗, 老得行路都行唔穩,
發覺原來時間過得真的很快~

二伯父家種咗好多花, 好似一個溫室咁, 有 D 仲種咗十幾年, 開花開得好靚~

第二站去了波比阿姨家, 好熱鬧~
第三站同波比家人去新元中的好彩食晚飯, 呢度裝修得好靚, 食物都好有水準啊!
今餐叫咗個套餐, 最後有「合時水果」, 點知係原隻上的五個柑......
好意頭掛? 不過有點 O 咀.....

新年的最後準備

年三十晚, 師奶仔要做的事還有很多:
封利是、吸塵抹地、抹家具洗廁所、換床單洗衫晾衫......

做完以上工作, 加埋尋晚玩 Wii Mario Tennis 太落力,
而家右手痛到嗌救命, 已經開始冇知覺 + 郁唔到.... HELP!!

今晚同波比先生食了二人團年飯, 再去行樓下的花市,
嘩, 唔知做咩勁多人! 不過都係冇咩好買~

仲有幾分鐘就牛年了, 同大家拜個早年:
恭喜發財, 萬事如意,
同學仔一輩大家都青春常駐 (開始需要了),
工作上心想事成, 唔洗裁員減薪, 大家都有安樂茶飯食~

嚟緊有好緊密嘅拜年行程啊, SEE YOU~

行花市

今日開始放假了, 睇咗早場的「家有囍事2009」, 有一 D 似曾相識的人物和片段,
開心的笑了一餐, 雖然故事性唔算好強, 但都好滿足

食完個早餐, 本來去恆生同波比先生拎份保單, 點知真係勞氣, 咁大間銀行都唔知點做嘢!
出錯完再出錯, 實在唔可以接受, 攪到年尾流流我哋兩個都要發火投訴,
攪攪攪, 攪我我哋個幾鐘, 嘥晒我哋時間!

之後返咗 Dental Library 借書還書, 再落維園行花市! 嘩, 下晝都已經勁迫人!
明明一條條路都有晒 direction, 有 D 人係咪唔識字o架? 係都要同人相反方向行,
攪到迫到死!

買唔到咩得意嘢, 唯有買嘢食~
燒賣成 $20 一兜, 嘩, 賺死佢!

今年的年花開得多過上年, 睇吓聽晚會唔會落樓下花市執平嘢先!

行完花市, 去深水埗行黃金, 波比先生買了 External HDD 可以駁高清盒錄電視了!
又買咗 Wii Mario Tennis , 返嚟大決戰~

人算不如天算

歲晚收爐了, 同波比先生到屯門食飯, 小魚滋味的晚餐唔錯呢~

Experience life

我們家附近的年宵市場開了, 波比老公跑步經過開, 買咗好味的糕點俾我呀!

迎接新年

今日放假, 一大重任就係要抹晒全屋企嘅窗!
慶幸我們住的不是千呎大宅, 慶幸只有兩房一廳一廚房, 但都有27格窗要抹,
睡房的大大玻璃窗(梗窗) 更是抹死人...
抹窗真係要好小心, 唔係真係會飛落街!
真係唔明有 D 鄰居裝晒梗窗花究竟點抹窗???
如果要抹落地玻璃窗, 一定好痛苦!

上星期買的電視今日送貨了, 百老匯的送貨員同 SONY 的安裝師傅都好準時, 抵讚!

好緊張啊!

師傅好熟手地好快就安裝好電視, 仲幫我駁埋個8 仔高清盒,
woo~~ 睇高清節目真係好好好正啊~

呢部32" 對我們家來講啱啱好, 勁fit! 好滿意!

悠閒的下午, 買咗個大家樂 Tea, 久違了的西多士, 是辛苦完半日的小小獎勵!
厚厚的花生醬夾心, 唔錯唔錯!

我的Honeymoon

今日收到HR 的信, 提醒我喺 4 月尾 contract 完之前, 我仲有18日大假要放
左砌右砌, 真係好難放得晒18 日, 因為太多out-patient booking 了~

除返開, 二三四月每個月我都係返十四五日工咋, 哈哈, 好 Happy~
攪到忽然間好 Holiday mood 添!

波比先生今日收到了經公司訂的機票了, 諗吓諗吓, 又想玩多一日添~

相約大學同學仔拜年 + 春銘, 估唔到今次反應咁好啊!!
共有12 個人會出席, 足足一圍枱了, 哈哈, 一定會好開心啫!
好耐都冇試過咁多人的 Gathering 了!!

拍緊拖的各位同學, 係時候好結婚喇喎, 要我同青青派咁多利是好傷o架!

日本行程

最後一日的 Course 了, 哎呀, 整體有點失望,
因為內容與上星期的 DPNS 好重複, 只可以當溫習多一次 Neurology 的東西,
不過, 或者這就反映了一個事實, 就是對 Dementia patient , 我們可做的不太多

四點多就放學了, 終於完成了一月份所有課程喇!!!

去了屯門碼頭食晚飯, 見到遲了一點的 Magic Hour

二宜樓的菜式, 水準一向都唔錯啊!

好期待的日本之旅, 我要快 d 遞假紙先得喇!!

大家有睇開我哋遊記的, 都知道我哋去旅行不外乎飲飲食食,
睇動物, 買得意嘢, 影吓相咁!
東京的大百貨公司實在唔啱我哋, 上次去每層望了一眼就走了!

今次呢, 去 D 冇咁熱門嘅地方, 不過度度都好吸引呀!

Tokyo DisneySea: http://www.tokyodisneyresort.co.jp/tds/index_ch.html
上次去過迪迪尼了, 今次去好多人都讚的 DisneySea,
睇人D 相好靚好靚啊, D 機動遊戲仲話好好玩添!

Mother Farm: http://www.motherfarm.co.jp/touch/
嘩, 我哋又去探動物仔喇, 仲可以揸牛奶添! 又有綿羊仔呀!

橫濱的 Cosmo World: http://senyo.co.jp/cosmo/
有好多機動遊戲, 又有摩天輪

新橫濱拉麵博物館: http://www.raumen.co.jp/home/index2.html
啱晒超愛日本拉麵的波比先生啊!

係喎, 台中遊記我草草完成了, 想睇的朋友 e-mail 我啦!

又上堂

今日波比先生朋友結婚, 佢學人做兄弟,
點知呢個論盡仔唔記得帶嘢, 返屋企又搵唔到, 約咗人7:30 o係旺角,
佢 7:10 仲喺屋企, 最後竟然要搭的士去.....
如果我哋結婚嗰日佢係咁, 一定俾我鬧死!

今日返半日工, 下午加埋星期六日都要上 TRAINING,
Speaker 就係上星期 DPNS 的 Karlene

不過今次講 Dementia,
4.5hr 就係講o個十數種 Dementia 的 etiologies 呀, Dx 呀, Features 呀,
好眼瞓呀....(上次 DPNS 我全程冇釣過魚, 今次第一日就唔掂喇)

聽 Karlene 講美國的 Residential service 真係好好,
醫療的資源亦充足好多 (不過佢哋以私營醫療為主),
每一個長者的 Quality of life 似乎比香港的好千百倍

今次上 course 有 Rosa 陪我,
每一次上堂都有好朋友相伴, 我覺得自己真是幸運兒~

放學後, 去了教協再辦年貨,

型和勁

我們的東京之旅有良好進展啊！

千揀萬揀，今日喺 Zuji 竟然俾我見到一間想 book 又嫌貴唔捨得 book 的酒店做特價!
我哋一路睇都要 $1250-1500 一晚, 今日睇 Zuji 只係 $1001 一晚,
係唔係真呀? 咁平?

於是我就膽粗粗 book 啦, 因為其實我哋行程之中有兩日係日本春節假,
有D 酒店已經開始 FULL!
Click click click , 填晒資料, submit!
OH~ 得咗喎, 真係用 $6006 的價錢book 到6 晚酒店! 有點不敢相信~

咁抵嘅價錢 book 到呢間 Sunroute Plaza Shinjuku , 真係好開心啊!!!
鐵定了我們 15/3 to 21/3 去東京 Honeymoon for 2nd anniversary 了~
好嘢!

休息一天

連續兩個 weekend 都要上course 實在好辛苦, 所以每星期拎o左一日大假抖一抖!

放假都過得好充實o架, 先係去o左搵何姑娘蔡姑娘飲茶!
嘩哈哈哈, 閒日冇乜人o既日子, 我哋三個竟然可以去嘆茶, 感覺真係好 Happy!!!

之後就返o左 HKU 還書, 找了好耐冇見的 Dr. Leung,
終於都拎到一份有我個名o個套 Assessment Tool 喇, 嘻嘻~

之後好悠閒地, 去咗好出名嘅源記食紅豆沙,
佢D 紅豆沙真係好掂o架!!! 因為入面係一粒豆都搵唔到, 全部豆都已經溶化了, 勁呀!
幫襯的都是老街坊, 據聞亦都好多有錢人揸 Benz o黎買糖水呀~
有機會一定要試試啊! (不過唔好叫後面o個舊雞蛋糕...... 好硬.....)

之後又去o左行旺角, 為的是為我們的家添置一部 LCD TV
揀來揀去, LG/SONY/Philips 邊部好?
Sales 哥哥極力推介 LG, 但係信心問題, 於是即刻上網 check check 邊部好

呢個時候, 為咗要坐低上網, 去咗....
知唔知係咩嚟?

係 Mc Cafe 的朱古力梳乎厘咖啡啊, 好好味,
見到面頭的朱古力同泡泡, 已經令人好開心~

最後等到波比先生放工, 我們決定了.....
嘻嘻, 都係 SONY 啦~
我知波比先生想要一部 LCD TV 好耐了, 不過我真係覺得以前嘅質素唔多掂,
而家有咗高清又唔同講法, 所以買一部送俾大家,
算係我們家入伙五週年的禮物啦!

同場加映, 尋晚的花園餐廳晚餐,
呢個海陸空的配搭好 good 啊!
隻蝦同隻乳鴿一樣長, 勁啊!

In progress

近來好忙好忙, 有好多件事 in progress 中, 日子過得很充實! 亦都好感恩~

Master course o個度催我快 d send 晒 d supporting document 俾佢,
因為佢話 23/1/09 會有第一階段的遴選,
o下..... 明明話 28/2 之前 send 晒o野去就得, 30/4 先 close application o架喎!
點解忽然早o左咁多?
因為今年收 40 人咋, 可能都已經好多人 apply~ 收夠佢就開始揀人喇~
究竟我有冇書讀呢?
哈哈, 如果冇書讀, 我就打算去讀電腦/攝影 course o架~

好多謝何姑娘幫我寫第二封的 Recommendation Letter 啊~

尋晚我讀的 short course 做o左 presentation 喇!!!
去到先發現我o地同另一組講埋同一個 Tx Approach, 睇埋同一份 article!
人o地仲做到勁認真, 勁詳細, 勁多教材, 仲搵仔錄埋音,
真係嘆為觀止!

初時有 d 擔心我o地會同佢好 overlap, 不過 present 落又 ok 喎, 大家都有唔同o既 style~
好欣賞 Cora 睇o左咁多 reference, 同阿靜有咁好o既文采寫o左咁好o既 story~
不過真係 overrun 添! 不過又因為我o地係最後一組, Dr. Wong 又勁好人唔想大家遲走,
竟然主動 stop o左我o地o既 Q&A session, 實在太 happy 喇~~
完了 present, 呢個 course 總算完了, 太開心喇, 輕鬆晒!

今日開始上一連三日的 DPNS course,
真係好希望學完之後, 用到呢個 therapy technique 去幫到 d 食唔到o野o既病人~
第一日過得好充實, 個 speaker 講得好好呀! 不過不停問書, 真係唔可以恰眼瞓!

Lunch 竟然係去酒樓食o左餐好似擺酒o既餸菜, 大家都啞了....

遇見了我將會調去工作那間醫院的師姐, 佢係一個好好, 好有心幫人的治療師,
哈, 相信我去到佢o個度會做得好開心的~

今日 4pm 就放學, 嘩, 好耐未試過閒日可以天光住咁返屋企,
見時間早, 出o左旺角買o野,
多謝阿靜幫我申請o左張教協家屬證, 又可以去教協買o野喇!
點解 5pm 已經迫滿晒人o既? d 人唔洗返工o架? 平時呢個時候我都未有耐放得工呀....

買定 d 賀年糖果, 仲有八折的旅遊書, 好滿足!

我是煮婦

嘻嘻, 09年嘛, 一大目標係煮多 d 住家飯俾波比先生食 (年年的新年目標都係...)

經過o左 12 月的狂去飲, 狂食 buffet, 狂打途爐煲仔飯之後,
體重腰圍都大有進漲, 嗚......

所以立心o係屋企食多 d 住家飯, 今個星期我連續三晚都有煮飯呀!
多 d 菜, 少 d 油, 適量o既飯, 仲可以返工帶飯, 健康好多!
而且而家出街食個晚飯, 閒閒地都成百蚊落樓, 師奶仔當然覺得唔化算....

我o地應該儲多 d 錢.......... 去旅行好過! 哈哈哈!!!
波比先生 quote o左機票價錢了, 抵都爛!
而家諗緊去東京近郊o既咩地方好? 箱根去過了, 有冇其他推介呢??

臨急抱佛腳

呀~~~ 終於都做完我個 46 頁的 Powerpoint presentation 喇!
星期四 present 完就安安樂樂喇!
d o野唔到趕都的唔起心肝做, 都唔知第時點讀書......

我要瞓瞓瞓呀, 連續 8 日工作 + 上 course 來了....

開年飯

今晚又上攝影班, 阿 Sir.... 真係好唔掂....
完全唔跟 syllable 教, 鍾意講咩就講咩,
明明今堂話教鏡頭, 點知又冇o左件事, 無啦啦講黑房沖曬,
大佬, 呢個年代, 我諗除o左 LOMO 之外都冇咩人會用菲林影相,
而且我知 d 黑房原理o黎做咩..... 我唔會自己整間黑房o黎曬相喎....

成堂佢就係 demo o左點樣左加右加 d 藥水去沖菲林, sigh.....
超 hea 超 dum 波鐘 feel...

我下兩星期 weekend 都要去上 course, 我諗我唔會再去上呢個攝影班了,
勁廢....

上完堂, 去食我o地 Promoter 朋友的開年飯, 難得 jimmy 咁遠入o黎元朗 join 我o地!

吹水吹o左兩個鐘, 好開心~
Jimmy 為我o地帶來了唔少歡樂~
希望佢下次唔好再搭錯車!

收到 Ernie 送的生日禮物, 係會郁o既豬豬電話座, 好可愛!

台中最終回

好o野, upload 晒台中 d 相去 facebook 同 online album 喇!

Day 4 有呢幾張特別鍾意:

呢張有 d 似日本?

好鍾意呢條歐陸小街

我們到了美術館

麥嘜都話台中係好地方!

清境的天空

今晚獨個兒在家, 終於有時間又執執清境的相片

食早餐的地方

更多的相片在 facebook 啊!

一出去, 嘩~~~