2012年4月29日星期日

蠔情之夜

有一個週未, 去了波比住村屋的同事家紅酒生蠔 BBQ

應該是入夏前的最後一次了, 落雨過後非常多蚊, 不消 5 分鐘我已被蚊叮了五口 ...........
好彩入夜了D 蚊就走了 (或許是已經吃飽飽....)

這是我新鮮烘焙的香草法包啊, 配上藍芝士, 坐在露天的花園吃, 別有一番風味~

042103

同事訂了好多好多生蠔, 共有三款, 自己開, 仲教咗波比先生開,
不過咁麻煩先開到, 我覺得都係俾錢人賺好過~

因為是即開即食, 冇用水沖過的, 我吃了兩只, 蠔的味道是好, 一點也沒有腥味, 可不同加檸檬之類的東東,
但實在頂唔順那太太太咸的海水味 *o* 咸得我想史..... 吃完要飲返半杯水呢!

042104

主角出場, 是法國的 Belon

042105

同事話吃了會有舌頭麻痺的感覺,
其實我腸胃炎剛痊癒, 之前吃了兩只已再沒有興趣再試, 留待波比吃啦, 人人都大讚啊~

042106

另一高潮: 麵包蟹, 超巨!! (波比放在女同事的臉旁比較大小)

042107

蟹羔是超正的!!! (就是這次吃完麵包蟹就愛上了, 所以先去 JW Marriott 再吃)

042108

還有例牌的燒羊架、紅酒白酒、牛扒.......
到今年入冬時再會!

042109

2012年4月28日星期六

南生圍新路線

放了幾日假, 好 hea, 開始有點悶.....
尋日整了一大批麵包, 湯種, 全機搓, 發得非常之好呀!
有豆沙包、肉鬆芝士包、榛子包、玉桂提子包, 夠晒我呢幾日食啦!

042703

等了又等, 高木直子的一個人去跑步終於都出了第二集,
雖然覺得第一集比較好睇 (因為那心路歷程實在太相似我這個初跑者),
但呢本都睇得好開心, 會睇到你著返那團火, 要努力練習~

06

不過早陣子的腳傷未愈, 食了一個星期的止痛消炎藥以為好了, 點知早幾日一跑返又痛過...
星期三睇咗醫院的義肢矯型師, 佢話我的徵狀似係拉傷了 tendon, 要好好休息或只可做D 輕鬆運動~
還即場做了對處理我扁平足問題的鞋墊, 希望用了真的有效啦~

所以暫時都係唔好跑住, 踩單車陪陪波比跑就好了~
今天走新路線去南生圍, 點知行錯路, 去咗對面河!

07

不過又錯有錯著, 對面的風景更廣闊更美啊!
遠望我們家呀!

03

通往深圳的河

04

跑跑吓, 甚至到了近深圳的地方, 怕電話會變了中國移動, 都係折返了~
這條新路線真係不錯呀, 又有單車徑踩得舒服又安全, 值得再來~

2012年4月27日星期五

沙巴 Day 5 - Coffee Bean and 瓊萬興

最後一天的沙巴遊, 沒什麼行程, 因為亞庇市真的很細, 要行的 mall 都已經行過了

在煩惱唔知去邊 hea 的時候, 我上網見到有個叫 Hypermall 的地方, 是新開冇耐的, 是沙巴最大的商場,
橫掂見冇嘢做, 就不妨去行吓啦~

最後一天的 Ming Garden 早餐了, 真係好好食!

06

那個 mall 在沙巴大學那邊, 要搭十幾分鐘車, 有免費 shuttle 去,
在等 shuttle 時, 在 Waterfront 行吓, 欣賞一下這美麗的海景

01

D 水真係好清呀, 好多魚仔!

02

我們九點幾就去到 Hypermall, 點知嗰度乜都未開........ 啞咗.......
等到十點先有少少舖頭開, 但都冇咩行, 係有一間賣衫的 chain store, 款式算係 ok, 買咗少少嘢

11am 我哋就搭返 shuttle 走, 去行菲律賓市場同埋中央菜市場,
想買芒果的, 但好唔靚啊! 買了些蝦米蝦仔啦~

來到沙巴, 咖啡迷一定要試試這間 Coffee Bean

08

三個字:「很好喝」
波比先生還買了兩包咖啡豆返香港 (這個行程, 我們買了十多包咖啡呢!)
店員好有耐心的講解及沖調不同口味俾波比先生試飲, 試啱先買, 超抵讚!

10

之後就是我們最後的 lunch, 本想去吃肉骨茶, 點知兩間舖頭都未開,
最後去了瓊萬興, 那裡的包子很出名! HKD10 唔洗就有咁大個大包!!!

12

多餡多汁超美味! 香港實在找不到如此價廉物美的美食, 波比先生還買了一個外賣當晚食, 笑死我~

14

海鮮湯麵也很不錯, 因為同的是新鮮的海鮮啊!

15

2pm Check out, 乘 10分鐘的士就到機場了~

在那裡, 我用盡了身的上馬幣, 買了兩包超巨老虎蝦送俾屋企人,
不過其實都唔平呀, 除返成 HKD50 一隻
另外又買了兩箱沙巴有名的水果雪條, 一箱淨係榴槤, 一箱係什錦,
帶了什錦的返醫院請同事食, 點知原來那所謂的什錦, 是條條都係主要椰汁味....... O 晒咀~

此行圓滿結束了! 我們都玩得好開心呢~
波比先生愛上了浮潛迢玩意, 好啦, 出年又帶過你去陽光海灘的地方啦~

沙巴遊記 2012 - 結婚五週年之旅

沙巴 Day 1 下集 - 洪金買 x 榴槤 x 燒海燒

沙巴 Day 2 - Sunday Market and Snorkeling@Mamutik island

沙巴 Day 2 - 怡豐 x 大茄來 x 串燒 x 富源

沙巴 Day 3 - Lokawi Zoo

沙巴 Day 3 - 五星海南雞 x 再見螢火蟲

沙巴 Day 4 - 神山、波令吊橋 (包車導遊推介)

沙巴 Day 4 - DESA 牛奶工廠

沙巴 Day 5 - Coffee Bean and 瓊萬興

2012年4月26日星期四

紅豆西米糕 x 冬瓜水

一個唔洗返工的 C9, 其實都係好忙o架,
執執屋, 整整嘢食, 好快又一日~

我很享受在閒日放假, 一個人在街上盪盪, 買東西可以慢慢揀, 唔洗同人迫,
睇嚟, 我實在太適合返 Part time 工了~ 可惜醫管局冇 0.8 呢回事~

又係清櫃大行動, 有包西米買咗成半年都未食晒, 前幾日整麵包又有紅豆剩, 今日一於消滅佢!
用了小軍的食譜, 造了紅豆西米糕, 係我兒時最愛之一, 好容易造咋~
http://siukwankitchen.blogspot.com/2009/06/blog-post_06.html

波比問點解係綠色, 我話因為係用泰國西米, 好煙 un o架~

042601

小時候在公屋, 有時有個伯伯拉著車子, 逐層的叫賣「白糖糕砵仔糕」,
一聽到就會即刻攞錢開閘衝出去買~ 那種味道, 刻在心深處~

估唔到脫模脫得咁成功咁靚, 小軍嘅食譜真係好犀利呀!

042602

買餸時行到身水身汗, 又諗起波比先生生痱滋, 於是就買埋材料煲冬瓜水,
都好耐冇煲過了, 買舊冬瓜同埋一包去濕料就得, 煲個幾兩個鐘啦!
完成, 雪凍埋佢先飲, 正呀!

042603

沙巴 Day 4 - DESA 牛奶工廠

上回講到去完波令行吊橋, 下一站就是上高山睇牛牛! 最期待的行程呀!

我可以話, 如果你來沙巴沒有上過這牛奶工廠, 實在是一個大遺憾!!!!
因為原來一般的神山行程, 就是去波令再去那個完全冇嘢睇的神山公園, 但來回是五六個小時的車呀!
到了這個牛奶工廠, 是海拔很高的地方, 雲海就在你腳下, 我只有不停用「壯觀」來形容這裡的景色,
我夢寐以求的雲海之旅, 上次去台中清境看不到, 今次看到了, 實在感動!!

67

我們從高山, 向下望

50

51

53

54

衝下去的話, 會衝入雲中嗎?

55

向上望就是神山了!

57

牛牛在這麼清潔舒適的高山生活, 牛奶怎會不好喝!

101

58

很想摘一片雲回香港
藍天白雲青山, 是發呆的好地方!

64

跟住我哋入咗牛奶工廠, 見到牛牛排晒隊, 做咩呢?

69

原來係排隊食晒, 工作人員就會趁佢哋食嘢嘅時候, 用機器幫佢哋揸牛奶

71

食完就攤抖, 好爽喎!

73

102

臨走梗係唔少得買返盒新鮮的牛奶啦, 好好味呀!

77

回程了, wow, 雲在我們前面~
阿 May 在回程時, 在公路中見到有榴槤檔, 就介紹我哋買榴槤, 即開即食, 超讚呀~

78

最後一晚了, 本來想去雙天食海鮮, 但係波比先生又好想去海邊食燒海鮮喎,
兩揀一, 最後還很去了海邊~
老實說, 這裡的衛生情況有點不理想, 枱同餐具都有點污糟..... 接受到你先去好
Anyway 我們都冇肚痛, 算係咁

先來又係超甜的奶茶

79

波比很想很想吃的燒魚呀, 好大條, 唔洗調味都好好食,
我們都覺得, 來得沙巴一定要吃吃唔香港吃不到的海鮮呀~

81

老虎蝦, 好大隻, D 肉好彈牙呀!!

82

這是乾奶油老虎蝦, 上面的是炸蛋絲, 是沙巴招牌菜之一

83

琵琶蝦, 冇乜肉, 味道又冇乜特別

84

蟹, 嘩, O 咗咀!
一放入口, 有一陣屎屎味, 好恐怖! 連咬都唔敢咬, 成碟冇食!

85

很豐富啊~

86

沙巴遊記 2012 - 結婚五週年之旅

沙巴 Day 1 下集 - 洪金買 x 榴槤 x 燒海燒

沙巴 Day 2 - Sunday Market and Snorkeling@Mamutik island

沙巴 Day 2 - 怡豐 x 大茄來 x 串燒 x 富源

沙巴 Day 3 - Lokawi Zoo

沙巴 Day 3 - 五星海南雞 x 再見螢火蟲

沙巴 Day 4 - 神山、波令吊橋 (包車導遊推介)

沙巴 Day 4 - DESA 牛奶工廠

沙巴 Day 5 - Coffee Bean and 瓊萬興

2012年4月25日星期三

只讚沒彈的 Buffet @ JW marriott

話說 4 月尾, 我的 contract 又完了, 今日下午開始清埋D 大假,
享受完獨個兒 shopping、打書釘、扮扮靚之後, 相約了波比先生去食 buffet

香港經濟應該很好吧, 我們由 JW Marriott 開始 book,
由港島打到九龍, 五星打到三星, 打咗好多間酒店都話 full 晒,
最後就 book 了 TST 的 Royal Pacific, 但又死心不息, 還是又打去 JW Marriott 等 Waiting list
點知佢尋日真係 call back 有位, 波比先生開心死了~ (有人之前因為 book 唔到而超失望)

12

我們 6:45pm 去到, 嘩, 已經滿了 90% 的座位, 很旺場!!! (仲有人已經食到甜品..... 香港區的人很早放工嗎?)
Marriott Cafe 的環境好舒服, 仲有少少海景睇到, 我故意把望海的位置給了波比先生, 嘻~

開動了! 第一 round 是海鮮, 這裡雖然沒有生蠔, 但我敢說吃其他海鮮就令你覺得物有所值,
先來了麵包蟹蓋, 真是極品啊! 入面有超超超多的蟹羔, 真是超超超多, 我同波比先生都覺得吃完已飽!
但甘、甜、香, 真係超好食, 已知道往後要食返一星期清淡食物去抵銷這膽固醇.....

03

羔羔羔

04

之後是龍蝦, 我見D 人真係好瘋狂的一個人取六七件, 洗唔洗咁博呀.....
我食咗半隻, 蝦羔好吃得似海膽, 十分讚!
還有很鮮味的鮑魚, 酒店清潔得很好, 讚!

05

三款刺身都意想不到的新鮮、爽,
咖哩羊煮得風味十足, 原件的花膠實在太補了! 那魚又大又煮得嫩, 讚!

06

燒牛肉看似很生, 怕生的我本來都有點保留, 但係食入口竟然是嫩而不是生的感覺, 太美味了!

07

我已經去了甜品時段了, 任吃的 Haagen-Dazs, 拼雪糕拼咖啡令人心花怒放

08

甜品反而不是這裡的強項, 當中芝士蛋糕最好食, 超濃郁的芝士味又整得超滑~

09

Brwonie 同埋有個茉莉花茶凍都唔錯,
最攪笑有我最愛的豬腳薑! 估唔到五星酒店都有豬腳薑?! 仲要係真係煲咗幾日, D 蛋入晒味的, 好認真呀!

11

超開心超滿足的一晚呀~
HKBC 白金卡有 8 折, 抵~
波比吃罷已經問我幾時再嚟, 我話等 2015 年 4 月, 我下一份 contract 完再請過佢嚟食啦~

不過來到這些高級的地方, 很多時令我有好多反思同感慨,
呢度滿場都是西裝骨骨的, 有錢太太 look 的, 他們可以常常四五百蚊食一餐飯,
但現實呢, 工作上我見到的都是平民百姓, 很多年老的窮困的人, 小朋友連吃一餐麥當奴都是奢想,
我們的社會, 就是有著這麼大的對比~
我常常叫波比先生不要浪費食物, 奢侈的一餐, 久不久一次就好了,
錢可以留返嚟幫助一D 有需要的人, 好過只是吃落肚子呀~