叮噹豆沙餅

今日第三次跟那本 <<香港人氣甜品>> 去整嘢食, 呢本書真係超好, 簡單清楚易明,
第一二次是整朱古力香蕉蛋糕同埋超鬆曲奇, 效果都很有保證,
今次也不例外, 很成功的造了叮噹豆沙餅

詳細食譜請買書看啊, 當是對作者用心寫食譜的支持 (這裡只有原創/ 自行改良之食譜)

其實這食物也有點難道, 我覺得比焗餅更難,
因為係要逐塊逐塊煎, 時間掌握是有點難道, 開頭我也有幾塊煎燶了 (因為粉漿有蜜糖, 很易燶)
後來發覺技巧是落咗粉漿先好開火, 咁樣三塊熟的時間就差不多, 
否則第一塊落鑊的已熟了, 第三塊才則落鑊....

另外要整到好靚的圓形也是考功夫, 技巧大概是從中心點落粉漿, 由佢自己慢慢散開~

很開心, 那味道真的超似在街買的! 個皮好鬆軟, 還有一陣香味,
我以前很疑惑那香味是從哪裡來的? 原來大概是蜂蜜同味醂的化學作用
這次我偷偷地用了波比先生那樽貴價台灣農場花蜜呀 (o殊~~ 唔好話佢聽), 所以覺得整出來很香!



整完之後, 又覺得街賣得真係唔貴.............
之前見美心賣 $7/件都覺得貴貴地, 但我自己要用成個鐘去整, 又整皮又整紅豆餡,
仲有大熱天時企喺個爐前面煎咗起碼 20分鐘, 一路煎一路滴晒汗, 真係...... 下次俾 $7 買件好過喇~
不過當然整俾人食又唔同講法, 拎了去請小婉子同波比大學同學食, 開心是無價的~ :P