倒數到就出發了, 心情好興奮!
這兩天下著毛毛細雨, 尋晚真係跑唔到, 今晚終於有一段時間停雨了, 可以在飛之前跑最後一轉~
涼涼的天氣, 跑得好舒服~
2012年11月21日星期三
2012年11月20日星期二
敗家女之 2XU
今日遲放工, 因為要同個 assistant 做 appraisal........
查實我都唔知幾時開始變了那 assistant 的半個上司, 老細仲叫我同佢做 appraisal, 佢 counter-sign 就得, 我都啞咗.....
第一次寫別人的 appraisal, 都唔知從何落筆, 如何做 rating.....
放工出去旺角食飯, 入冬第一煲, 不過出街食真係好唔抵囉.....
幾片雞, 三片臘腸, 索價 $58..........
跟住上咗新世紀的 Giga Sports, 又敗家喇
話說呢排都有睇吓D Compression 的長褲, 呢排最 hit 都係 2XU 喇, 去毅行勁多人著, 個個都著得好型呀,
因為又已經冬天, 今個星期日的日本比賽得 6-8度, 點都要有條長褲先得,
下個月又有兩個長途比賽, 遲D 又有半馬, 所以好多藉口可以買條勁D 嘅~
2XU 的 compression 褲, 賣點增加 performance, 減少疲勞肌肉痛等等,
但好少地方有得賣, 去到這間 Giga Sports 睇, 超好的服務 , 仲可以試穿
其實我今日穿了壓力襪, 你問 2XU 勁定壓力襪勁? 我想話真係差唔多緊
但唔係運動住著, 好難知有冇effect , 都係信口碑咋~
千幾蚊條褲, 唔係呢間舖頭新開張有 8 折都真係未必即刻捨得買....
同波比先生一人一條, 是我們的生日禮物~
帶埋去神戶, 開心開心!
查實我都唔知幾時開始變了那 assistant 的半個上司, 老細仲叫我同佢做 appraisal, 佢 counter-sign 就得, 我都啞咗.....
第一次寫別人的 appraisal, 都唔知從何落筆, 如何做 rating.....
放工出去旺角食飯, 入冬第一煲, 不過出街食真係好唔抵囉.....
幾片雞, 三片臘腸, 索價 $58..........
跟住上咗新世紀的 Giga Sports, 又敗家喇
話說呢排都有睇吓D Compression 的長褲, 呢排最 hit 都係 2XU 喇, 去毅行勁多人著, 個個都著得好型呀,
因為又已經冬天, 今個星期日的日本比賽得 6-8度, 點都要有條長褲先得,
下個月又有兩個長途比賽, 遲D 又有半馬, 所以好多藉口可以買條勁D 嘅~
2XU 的 compression 褲, 賣點增加 performance, 減少疲勞肌肉痛等等,
但好少地方有得賣, 去到這間 Giga Sports 睇, 超好的服務 , 仲可以試穿
其實我今日穿了壓力襪, 你問 2XU 勁定壓力襪勁? 我想話真係差唔多緊
但唔係運動住著, 好難知有冇effect , 都係信口碑咋~
千幾蚊條褲, 唔係呢間舖頭新開張有 8 折都真係未必即刻捨得買....
同波比先生一人一條, 是我們的生日禮物~
帶埋去神戶, 開心開心!
2012年11月18日星期日
繼續練車練跑
星期天, 節目豐富
一早約咗另一個教車師傅補鐘, 同上一個伯伯師傅的 style 好唔同
我同波比先生一齊學, 一人揸車另一人坐後座觀察,
我一話我揸去返工的地區, 這個師傅就絕言拒絕, 話油錢貴.....
真係好無奈, 我俾咁貴, 仲要冇 say! 似乎除了駕駛學院的金牌路路通, 冇師傅肯俾車人揸得遠......
這個師傅主要教路面知識多, 其實冇好似伯伯咁執我控制軚盤呀、轉彎角度等車輛控制的技術....
揸到去錦田八鄉的路, 隔離線就是對頭車, 有大巴有貨車, 感覺好貼, 好恐怖......
學完, 打去駕駛學院問吓, 金牌路路通收 $1464 三節 45min, 黐線! 貴過我們當年學好多!
唯有攞車當日, 請師弟教教路啦~
黃昏練跑, 跑了入南生圍, 好耐冇入去, 估唔到原來呢個時期有勁勁勁多雀仔呀, 幾百隻都有呀! 超壯觀!!!!
下次要帶埋相機入嚟影相!!
用 5'40"/km 的時間跑了 11km, 加埋尋日行嗰 20km, 夜晚雙腿酸軟.......
明天休息, 星期二再操, 仲有一星期咋!!!
一早約咗另一個教車師傅補鐘, 同上一個伯伯師傅的 style 好唔同
我同波比先生一齊學, 一人揸車另一人坐後座觀察,
我一話我揸去返工的地區, 這個師傅就絕言拒絕, 話油錢貴.....
真係好無奈, 我俾咁貴, 仲要冇 say! 似乎除了駕駛學院的金牌路路通, 冇師傅肯俾車人揸得遠......
這個師傅主要教路面知識多, 其實冇好似伯伯咁執我控制軚盤呀、轉彎角度等車輛控制的技術....
揸到去錦田八鄉的路, 隔離線就是對頭車, 有大巴有貨車, 感覺好貼, 好恐怖......
學完, 打去駕駛學院問吓, 金牌路路通收 $1464 三節 45min, 黐線! 貴過我們當年學好多!
唯有攞車當日, 請師弟教教路啦~
黃昏練跑, 跑了入南生圍, 好耐冇入去, 估唔到原來呢個時期有勁勁勁多雀仔呀, 幾百隻都有呀! 超壯觀!!!!
下次要帶埋相機入嚟影相!!
用 5'40"/km 的時間跑了 11km, 加埋尋日行嗰 20km, 夜晚雙腿酸軟.......
明天休息, 星期二再操, 仲有一星期咋!!!
2012年11月17日星期六
陪行者
好緊張, 我去做十卜, 緊張到瞓唔著!!
話說我醫院嗰 team 毅行者 target 24-27 個鐘完成 100km 的毅行,
16/11 一路都 keep 得好好的速度, 點知 17/11 零晨開始就落大雨, 大隊要停下來避雨, 各人又開始有點傷患出現
原定 0400 我會去到大帽山的 Check Point 8 支援, 大家一路用 Whatsapp 聯絡,
最後收到消息 0830 大帽山見!
我太緊張 4am 就醒咗瞓唔返, 於是喺屋企整 pancake 俾大家食~
我 0745 由屋企出發, 搭的士去大帽山, 20分鐘就到, 堅快!
睇住的士大佬扭呀扭上大帽山, 實在好勁! 我自己都唔知到幾時先夠膽揸上去
其他 Support team 同事還未到, 我就帶著我的食物等呀等~
好凍, 得 19度, 我唔記著褸......
見到呢兩個鬼佬, 好過份!! >.<
帶咗十幾個 home made 的麵包, 仲喺度煎魚柳做早餐, 香遍住個山頭, 洗唔洗悠閒到咁先!!!
齊人後, 我們上到 CP8 的報到處等候毅行者, 見到都好多人去醫療站呀 , 好多都因落下攪到腳濕起水泡, 慘.....
我們的毅行者在 0842 到了 CP8, 一齊行設落去大本營
我想話, 我們醫院的 support team 真的非常非常之好,
有 HR 同事做 organizer, 大家踴躍報名陪行, 有D 人仲陪完快隊 (19小時行完了), 再來我們慢隊陪行,
星期五放咗工就陪著大家行, 冇瞓過~
4 個人行, 有十幾個人來 support, 真係好好的 team spirit!
毅行者已經行了 24個鐘, 80公里路, 其實大家已經好攰又好腳痛,
Support team 就貼身服侍, 要吃的喝的按摩的都有, 真係五星級 support!!!
隨行有醫院的物理治療師, 幫手扎腳呀針灸呀拉筋呀, 好勁!
Say 個 Goodbye, 0925 再上路, 步入第九段, 我同師妹陪行至終點~
原來第九段好好行, 一路都係石屎路, 唔覺唔覺已經行完, 途中仲見到好靚的西九龍景色~
一路也是落山的路, 對我們這些陪行者覺得好走, 但是已走了八十公里的毅行者, 其實落山也是一種對腿部的負擔......
我們陪著他們慢慢的走, 一路不停鼓勵「已走了 xx 公里喇」「就到下一個 check point 喇!!」
轉入田夫仔~
1122 到了 check point 9 喇!! 已經係元朗喇!!
休息了一會, 1147 又再起步, 最後一段大欖水塘喇, 加油加油!!!
原來仲有斜路要走, 上上落落 130m, 朋友實在有點吃力, 體力開始透支,
除了痛, 就是攰, 還有眼瞓, 只想完結, 問自己為何攞苦嚟辛, 我很明白 (所以我不會參賽.......)
我們唯有不停的講嘢, 令朋友唔好瞓著, 不停的問佢要唔要吃的喝的穿的~
上到山上了, 遠望大欖水塘, 果然有點千島湖的感覺~
又再上...... 朋友大叫救命......
好喇好喇, 落o架喇!!!
見到元朗市喇, 快到快到, 頂住呀!!
一同走到最後, 1441 衝線了,
三十小時內完成, 對於第一次玩的朋友, 已經好好好勁喇!!!
在終點影大合照, 實在好開心,
整個過程實在好難忘, 深深的體會到什麼是過程比結果重要~
陪行了的 20km , 有人傾傾講講其實好快過, 下年再有朋友玩的話, 可以再 support 多D 添~
話說我醫院嗰 team 毅行者 target 24-27 個鐘完成 100km 的毅行,
16/11 一路都 keep 得好好的速度, 點知 17/11 零晨開始就落大雨, 大隊要停下來避雨, 各人又開始有點傷患出現
原定 0400 我會去到大帽山的 Check Point 8 支援, 大家一路用 Whatsapp 聯絡,
最後收到消息 0830 大帽山見!
我太緊張 4am 就醒咗瞓唔返, 於是喺屋企整 pancake 俾大家食~
我 0745 由屋企出發, 搭的士去大帽山, 20分鐘就到, 堅快!
睇住的士大佬扭呀扭上大帽山, 實在好勁! 我自己都唔知到幾時先夠膽揸上去
其他 Support team 同事還未到, 我就帶著我的食物等呀等~
好凍, 得 19度, 我唔記著褸......
見到呢兩個鬼佬, 好過份!! >.<
帶咗十幾個 home made 的麵包, 仲喺度煎魚柳做早餐, 香遍住個山頭, 洗唔洗悠閒到咁先!!!
齊人後, 我們上到 CP8 的報到處等候毅行者, 見到都好多人去醫療站呀 , 好多都因落下攪到腳濕起水泡, 慘.....
我們的毅行者在 0842 到了 CP8, 一齊行設落去大本營
我想話, 我們醫院的 support team 真的非常非常之好,
有 HR 同事做 organizer, 大家踴躍報名陪行, 有D 人仲陪完快隊 (19小時行完了), 再來我們慢隊陪行,
星期五放咗工就陪著大家行, 冇瞓過~
4 個人行, 有十幾個人來 support, 真係好好的 team spirit!
毅行者已經行了 24個鐘, 80公里路, 其實大家已經好攰又好腳痛,
Support team 就貼身服侍, 要吃的喝的按摩的都有, 真係五星級 support!!!
隨行有醫院的物理治療師, 幫手扎腳呀針灸呀拉筋呀, 好勁!
Say 個 Goodbye, 0925 再上路, 步入第九段, 我同師妹陪行至終點~
原來第九段好好行, 一路都係石屎路, 唔覺唔覺已經行完, 途中仲見到好靚的西九龍景色~
一路也是落山的路, 對我們這些陪行者覺得好走, 但是已走了八十公里的毅行者, 其實落山也是一種對腿部的負擔......
我們陪著他們慢慢的走, 一路不停鼓勵「已走了 xx 公里喇」「就到下一個 check point 喇!!」
轉入田夫仔~
1122 到了 check point 9 喇!! 已經係元朗喇!!
休息了一會, 1147 又再起步, 最後一段大欖水塘喇, 加油加油!!!
原來仲有斜路要走, 上上落落 130m, 朋友實在有點吃力, 體力開始透支,
除了痛, 就是攰, 還有眼瞓, 只想完結, 問自己為何攞苦嚟辛, 我很明白 (所以我不會參賽.......)
我們唯有不停的講嘢, 令朋友唔好瞓著, 不停的問佢要唔要吃的喝的穿的~
上到山上了, 遠望大欖水塘, 果然有點千島湖的感覺~
又再上...... 朋友大叫救命......
好喇好喇, 落o架喇!!!
見到元朗市喇, 快到快到, 頂住呀!!
一同走到最後, 1441 衝線了,
三十小時內完成, 對於第一次玩的朋友, 已經好好好勁喇!!!
在終點影大合照, 實在好開心,
整個過程實在好難忘, 深深的體會到什麼是過程比結果重要~
陪行了的 20km , 有人傾傾講講其實好快過, 下年再有朋友玩的話, 可以再 support 多D 添~
2012年11月15日星期四
十卜毅行者
和一班山友練毅行, 感受到大家那份熱情, 那份毅力!
明天就是毅行的大日子了, 我的師弟最後也真的參賽了, 要用雙腳走完這西貢至元朗的 100 公里!
隊伍六點幾就要喺醫院出發, 太早實在送不了行~
全程有多個 check point 可以供支援小隊支援參賽者, 不過其他有經驗的同事都很踴躍的報名幫手同陪行,
我同師妹們最後只需去 Check Point 8 十卜, 陪行 20km 至元朗的終點~
正所謂有錢出錢, 有力出力, 有嘢食出嘢食!
我買了超甜蕉啦, 整了朱古力香蕉合桃蛋糕啦, 俾參賽者~
仲有煲咗花生眉豆豬骨雞腳湯, 以形補形!!
很緊張呀!! 希望天氣好, 唔好落雨, 唔好太凍, 大家順順利利啦!
明天就是毅行的大日子了, 我的師弟最後也真的參賽了, 要用雙腳走完這西貢至元朗的 100 公里!
隊伍六點幾就要喺醫院出發, 太早實在送不了行~
全程有多個 check point 可以供支援小隊支援參賽者, 不過其他有經驗的同事都很踴躍的報名幫手同陪行,
我同師妹們最後只需去 Check Point 8 十卜, 陪行 20km 至元朗的終點~
正所謂有錢出錢, 有力出力, 有嘢食出嘢食!
我買了超甜蕉啦, 整了朱古力香蕉合桃蛋糕啦, 俾參賽者~
仲有煲咗花生眉豆豬骨雞腳湯, 以形補形!!
很緊張呀!! 希望天氣好, 唔好落雨, 唔好太凍, 大家順順利利啦!
2012年11月13日星期二
2012年11月12日星期一
[愛美食] 醉蟹
話說之前試過兩次喺大陸食醉蝦, 念念不忘,
再見到好多 blogger 食醉蟹, 又心思思~
9月澳門之旅有考慮過去蘇浙匯食, 但係一見到個價就打退堂鼓, 多謝 $688/隻......
近來發現成隆行完來都有得賣, 成隆行是上海一家好有名的大閘蟹店啊, 所以諗住都有信心保證,
用 $188 買了兩隻試試~
隻蟹係用酒呀糖呀浸了兩個月, 冇煮熟的, 原理是酒精是殺菌的, 敢唔敢食真係見人見智,
我都係見咁大間舖頭先敢試~
一打開, 嘩~~~
好多膏呀, 入口香醇, 係超超超好食! 不過略為甜咗少少~ 一隻可以送一大碗飯都得!!!
還有今晚的新菜色: 芝麻香茅雞, yummy~
昨天去上環成隆行攞蟹時, 順道去了一間叫 Soft Aroma 的 cafe 度 hea,
這裡的 cappuccino 很讚啊~
再見到好多 blogger 食醉蟹, 又心思思~
9月澳門之旅有考慮過去蘇浙匯食, 但係一見到個價就打退堂鼓, 多謝 $688/隻......
近來發現成隆行完來都有得賣, 成隆行是上海一家好有名的大閘蟹店啊, 所以諗住都有信心保證,
用 $188 買了兩隻試試~
隻蟹係用酒呀糖呀浸了兩個月, 冇煮熟的, 原理是酒精是殺菌的, 敢唔敢食真係見人見智,
我都係見咁大間舖頭先敢試~
一打開, 嘩~~~
好多膏呀, 入口香醇, 係超超超好食! 不過略為甜咗少少~ 一隻可以送一大碗飯都得!!!
還有今晚的新菜色: 芝麻香茅雞, yummy~
昨天去上環成隆行攞蟹時, 順道去了一間叫 Soft Aroma 的 cafe 度 hea,
這裡的 cappuccino 很讚啊~
2012年11月11日星期日
[愛跑步] New Balance 黃金海岸 15k
波比先生第一次參加 New Balance 的 15k 比賽, 唔該晒鄰居跑友今日又車埋我哋去!
但好早呀, 6:45am 就上車, 7:10am 就去到汀九橋下的集合點, 因為遲就冇位泊車呢~
因為太趕出門口, 攪到水同食物都唔記得帶, 我見時間又太早了 (9am 先起跑), 就一個人慢跑去深井買水~
有車真好, 未起跑就喺車上 hea~ 差不多時間先捐出嚟!
呢個比賽, 真係俾個名呃晒, 我一路都以為係跑黃金海岸一帶的青山公路, 點知唔係!!!
係跑上汀九山上的一段緩跑徑, 個地圖真係睇咗等如冇睇, 咁就出事.....
比賽開始前, 見到天下無敵的紀嘉文帶住小狗熱身, 隻狗仔好可愛!
9am 起跑了, 點解阿二號選手跳 GangNam Style? 因為起跑音樂係 GangNam Style 囉, 哈哈哈!
1500 人, 勁多人, 影極都未影完!
大家都出發了, 我就跟隊尾上山, 諗住搵個好位幫老公影相
我絕對慶幸我冇報命, 一開始就係呢條長命斜..... 恐怖!!!
大家都係行算喇.....
行完上斜, 都差不多一公里.....
原來呢條路線睇汀九青馬雙橋景好正o架!!
這條緩跑徑沿路風景都好好! 原來可以一路行到去荃錦公路, 再去返石崗! 下次要試吓!
再望遠D, 好正呀!
不知不覺, 已經去到 3km
竟然見到紀嘉文已經回程緊.......
其他勁人都回程中!!
唉, 不過老婆今次就失職喇, 企喺 4km 嗰頭幫人影咗好多相, 但係波比過得太快, 我開晒連拍都影唔到佢 >.<
反而幫鄰居影咗好多張..........
跟住我就唔識預時間返終點, 仲一路影影影..............
隻手錶又用嚟計緊跑距, 唔知時間, 攪到遲咗返終點, 波比仲打電話問我喺邊..........
最後, 唯有喺終點同波比同鄰居補返幾張~
波比今日 1hr11min 跑完了! 也唔錯~
仲有兩星期, 就是神戶 1/4 馬喇! 愈來愈緊張!
但好早呀, 6:45am 就上車, 7:10am 就去到汀九橋下的集合點, 因為遲就冇位泊車呢~
因為太趕出門口, 攪到水同食物都唔記得帶, 我見時間又太早了 (9am 先起跑), 就一個人慢跑去深井買水~
有車真好, 未起跑就喺車上 hea~ 差不多時間先捐出嚟!
呢個比賽, 真係俾個名呃晒, 我一路都以為係跑黃金海岸一帶的青山公路, 點知唔係!!!
係跑上汀九山上的一段緩跑徑, 個地圖真係睇咗等如冇睇, 咁就出事.....
比賽開始前, 見到天下無敵的紀嘉文帶住小狗熱身, 隻狗仔好可愛!
9am 起跑了, 點解阿二號選手跳 GangNam Style? 因為起跑音樂係 GangNam Style 囉, 哈哈哈!
1500 人, 勁多人, 影極都未影完!
大家都出發了, 我就跟隊尾上山, 諗住搵個好位幫老公影相
我絕對慶幸我冇報命, 一開始就係呢條長命斜..... 恐怖!!!
大家都係行算喇.....
行完上斜, 都差不多一公里.....
原來呢條路線睇汀九青馬雙橋景好正o架!!
這條緩跑徑沿路風景都好好! 原來可以一路行到去荃錦公路, 再去返石崗! 下次要試吓!
再望遠D, 好正呀!
不知不覺, 已經去到 3km
竟然見到紀嘉文已經回程緊.......
其他勁人都回程中!!
唉, 不過老婆今次就失職喇, 企喺 4km 嗰頭幫人影咗好多相, 但係波比過得太快, 我開晒連拍都影唔到佢 >.<
反而幫鄰居影咗好多張..........
跟住我就唔識預時間返終點, 仲一路影影影..............
隻手錶又用嚟計緊跑距, 唔知時間, 攪到遲咗返終點, 波比仲打電話問我喺邊..........
最後, 唯有喺終點同波比同鄰居補返幾張~
波比今日 1hr11min 跑完了! 也唔錯~
仲有兩星期, 就是神戶 1/4 馬喇! 愈來愈緊張!
補鐘第二堂
我同老伯伯教車師傅都係早起一族, 就約了星期六的 7:45am 來個早課~
日頭揸車真係好過夜晚揸, 因為睇路面情況清楚好多!
今日揸咗去屯門碼頭 , 一路師傅都好用心咁提點了我好多嘢,
暫時為止, 有好多重點要緊記!
1) 好多情況要習慣腳放在 brake 上, 如: 就到燈位、左邊有巴士停站
2) 要好留意遠處路面情況, 今日遇上了好多修路, 無啦啦有小巴喺燈位等客唔開車, 有車打橫咁壞咗喺路中間...... 及早選對行車線
3) 停燈位: 踩 brake 空波就ok, 手要放在波棍上, 方便隨時開車
4) 多望鏡
5) 睇清楚D 路, 邊D 路會有車切入, 究竟邊盞交通燈係俾自己睇, 邊D 係俾隔離行車線的車睇
6) 遇上有人從小路出車, 要腳放在 brake 上直至過咗佢, 否則佢一開車衝出嚟我就剎唔切車就大鑊喇!!
7) 有人亂過馬路, 小心留意就可, 唔洗一定剎車俾佢過, 否則影響後面車輛
8) 前面車減速, 自己都要快D 減速
9) 避開死車時, 如對頭線冇車, 就駛開D 唔好咁貼死車
10) 早上揸車, 真係戴返幅太陽眼鏡好D, 望住太陽的方向真係好光睇唔到路上的線
日頭揸車真係好過夜晚揸, 因為睇路面情況清楚好多!
今日揸咗去屯門碼頭 , 一路師傅都好用心咁提點了我好多嘢,
暫時為止, 有好多重點要緊記!
1) 好多情況要習慣腳放在 brake 上, 如: 就到燈位、左邊有巴士停站
2) 要好留意遠處路面情況, 今日遇上了好多修路, 無啦啦有小巴喺燈位等客唔開車, 有車打橫咁壞咗喺路中間...... 及早選對行車線
3) 停燈位: 踩 brake 空波就ok, 手要放在波棍上, 方便隨時開車
4) 多望鏡
5) 睇清楚D 路, 邊D 路會有車切入, 究竟邊盞交通燈係俾自己睇, 邊D 係俾隔離行車線的車睇
6) 遇上有人從小路出車, 要腳放在 brake 上直至過咗佢, 否則佢一開車衝出嚟我就剎唔切車就大鑊喇!!
7) 有人亂過馬路, 小心留意就可, 唔洗一定剎車俾佢過, 否則影響後面車輛
8) 前面車減速, 自己都要快D 減速
9) 避開死車時, 如對頭線冇車, 就駛開D 唔好咁貼死車
10) 早上揸車, 真係戴返幅太陽眼鏡好D, 望住太陽的方向真係好光睇唔到路上的線
訂閱：
文章 (Atom)
.jpg)
