豬欄生活: 台北 - asics 旗艦店。饒河街夜市

2011年8月14日星期日

台北 - asics 旗艦店。饒河街夜市

最後一晚在台灣了，一定要再去食夜市啦，不過食之前有重要活動～
成個 trip, 波比先生唯有一幫手就是這個行程：有人打長途電話來台北的 asics store, 預約了今晚做個腳部測試

愛跑步的人，大多喜愛穿 asics 或者 Mizuno 的跑鞋，這些鞋有很多我也不太清楚的特別結構
但平時你去馬拉松鞋店／運動家，那些 sales 沒可能說得出鞋的特點，他們畢竟也只是 sales 一名

特意來到忠孝敦化站的這家全台唯一的 asics 旗艦店，我們預約了 NT300 一次的動態足部測試

我們穿上測試用的鞋子，職員貼上 reference point 的電極，先是靜態的量度：
我的右腳比左腳長 4mm, 是啊，大小腳的問題令我平時買鞋感到很煩惱，
一隻腳啱 size, 另一隻腳通常就會過鬆／過緊了。。。

另外度了足弓的高度，我是頗嚴重的扁平足呢（係啊，我的物理治療師朋友一早都講過了）
職員也指出，我有拇指外翻的問題，這點我反而從來冇留意過，
職員話通常係女生愛穿高跟鞋所致，但大家都知道我從來都不穿高跟鞋的（結婚日子除外）
雖然暫時是輕微，但上網睇返Ｄ資料，如果唔好好處理，愈來愈嚴重的人要做手術，
那些外翻得好勁的相片，真係幾恐怖的！我也在醫院見過Ｄ婆婆有此嚴重的問題！
當我搭車返工時，望望西鐵上女士們的腳，嘩，原來好多人都有此問題，有Ｄ都好嚴重吓添～
大家都可以留意吓自己雙腳呀，有問題真係要及早求醫～

之後是動態測試，我在跑步機上跑步，腳根位置有 video camera 拍攝我腳落地的過程作分析

大家望望上面的相片，都見到我雙腳內旋得都幾嚴重，每一下地落地，其實我都係成個人扭住隻腳咁落地，
望著那 video，實在有點恐怖，平時走路都算了，
但我而家會跑步，雙腳常要用力和頻密的落地，生怕自己對腳咁樣 /dam6/ 法，會唔會斷o架？！

最後的總結：如我所料，右腳有嚴重的過度內旋
咁做完測試，梗係問吓佢有咩鞋啱我哋，對我們的腳部問題有保護作用

職員介紹了 Kayano 系列的鞋，因有 Duomax 物料支撐，可減低我們腳外旋的影響，
試了兩對，當然是貴嗰對舒服好多，但這對的價錢真的很很很貴。。。。
唉，不過都係嗰句，健康無價，貴就貴啦。。。一陣跑到對腳有咩事，醫起來分分鐘仲貴
就這樣，買了我生平最最最貴的一對鞋

還有買了兩年東京馬拉松紀念 T-shirt, 同埋一個手腕袋，
其實有好多衫褲都好得，不過太貴了，是日本的價位呢，買唔落手啊~