晨操 x 大發奶茶王

大阪馬拉松訓練日誌 (25): 8月份很懶散啊, 暫時只跑了 6 次,
唔夠一個月就要跑第一個 10 km 的比賽, 我平時練習都只是跑開6/7/8km 咋, 恐怕一跑要跑 10km 好困難,
於是趁星期六又好天, 決心要練吓跑 10km, 波比先生好神心呀, 勁難得佢會六點幾起身陪我跑
哈, 好似阿伯同阿婆去做晨運...... 


今日好曬好熱呢, 由屋企跑到去鍾屋村輕鐵站, 調頭跑返去洪水橋, 去了好出名的大發餐廳食早餐~
其實我一路都唔敢跑緊/完步去餐廳食嘢, 因為波比先生太大汗了, 佢D 汗係可以滴到成個水塘咁,
今次我已經帶多咗條毛巾, 叫佢抹一抹先好入去, 點知一入到去就俾個侍應阿姐嫌棄,
話:「嘩, 你跌咗落水呀? 你滴到成個地下都濕晒喎」
我們只好十分唔好意思地話一陣會幫佢抹返......


這裡的奶茶, 就是贏了個全港比賽的



早餐唔錯, 食材都頗用心去做, 不是求求其其的, 公仔麵仲有兩條菜, 算唔話得喇掛!



食完我哋就跑返屋企, 不多不少, 共跑了 10km 呀! 時間是 1:06:01, 唔錯喇!!!
原來咁早都有唔少人跑步的, 大家都很健康啊~

希望未來幾個 weekend, 都會跑一次 10km 啦!