The making of 芝麻卷

老公愛吃芝麻卷, 因為而家太少地方有得食, 所以我就學吓整俾佢食~

網上見到唔同的recipe , 材料用的粉都有好大分別, 有的主要成份是馬蹄粉, 有的主要成份是粘米粉~
我都未用過馬蹄粉啊, 去買啦, 嘩, 成 $40 盒咁貴o架?!
D 芝麻又貴, 粉又貴, 唔怪之得冇人賣了, 因為利錢可能得好少~

其實同整腸粉差唔多, 蒸好、切開、捲起即成, 都唔算複雜, 不過係要你屋企有好多材料同工具~



登鄧, 完成!!! 冇甩皮甩骨已是成功的第一步,
我用了粘米粉較多的食譜, 覺得質地偏黏同似糕多D, 我覺得最好的應該是爽爽的質地!
好, 下次再試試第二個 recipe~



俾D 幕後花絮大家睇, 哈哈, 係我尋日買的打燈 + 攝影棚組合,
有時睇人哋嘅 blog d 相影得咁靚, 知道其實是打咗燈同埋在攝影棚影的, 一路都好恨有一套!
見而家常常都會影D 新菜色的相, 使用率應該好高, 所以..... 就俾個藉口自己買了, 呵呵呵!
多謝老公幫我搬返嚟呀~~
打咗燈, D 色水準好多~ 應該用兩支燈仲好效果, 不過我懶, 有一支仲未拆呢~