不過之前睇 newsgroup 知道列車上未必有行李架, 所以我們把一個大喼留在新驛,
只帶一個細喼同埋手提旅行袋去, 上到車, 座位比我想像中闊落, 其實腳前面的位置係可以放到大喼的,
不過之後搭過普通的自強號就唔得了!!! 所以帶細喼都係冇錯的!
沿途的風光, 好美啊!
準時 9:25am 到達花蓮, 之前上網同一間旅行社訂了特惠價的海洋公園換票證, 先取票,
然後民宿主人替我們安排了車子到海洋公園, 好快就到~
路上左邊就是廣闊的太平洋了, 藍天白雲, 太好的天氣!
不過去到竟然遇上一件好嬲的事!!! 我們在售票處用剛取到的換票證換入場劵時, 先發現手上的換票證是博愛票的!!!! (即係長者票)
有冇攪錯?!?!? 點解會咁o架??! 我們入不了場, 只好打電話同旅行社理論, 佢話攪錯咗, 今晚退返錢俾我哋...........呢間嘢的行政混亂得不得了!!!!
我們只好自己買票入場啦, 真係好無奈
入到去, 像歐洲小鎮, 加上好天氣, 拍照太美了!!! (更多相片要在 facebook 看)
我們搭吊車上到公園的最高點, 一路玩落嚟
向住太平洋衝的過山車, 好 high!
碰碰船, 玩得好開心!
實在唔敢玩的海盜船.........
仲有玩呢個鬼船, 船從高處衝下, 一次像衝進太平洋, 一次就衝到會濕晒身!
哈哈, 好彩我早有準備, 連雨褸都帶埋, 只是濕了褲和鞋, 咁熱好快就乾~
中場休息, 去食個 pizza, 看看海, 吹吹海風, 這是真正的假期啊!
之後去了坐摩天輪, 仲有睇海獅表演!
「全世界只有兩隻海獅識做呢個動作」, 係咩動作?
你睇清楚就知, 哈哈哈!
有一個海洋館, 有個超大的魚缸, 遇上了蛙人餵飼時間, 見到魚魚都追住蛙人搶食物, 好有趣~
之後就是海豚表現, 同觀眾好有互動的, 好好氣氛~
最後是一個魔幻 show, 不過剛看過太精彩的長隆大馬戲, 所以給比下去~
玩到五點, 拎埋買了的合成相片先走, 有海洋公園的背景, 合成得都好靚好值得買啊!
小記: 呢度的英文名係 Farglory, 忽然間想起近來追看的台劇<<醉後決定愛上你>>中,
女主角工作的飯店又是叫 Farglory, 於是查一查, 發現原來真係同一集團, 那飯店就在海洋公園上面,
這劇實在太好看, 深深被吸引住, 實在很很很想去這家飯店看看, 食個飯都好!
可惜我們這三天日間的行程都排得密密的, 實在沒有時間可以加插這行程, 很抱憾.......
我一定要再來, 住一次這家飯店啊!
.jpg)
沒有留言:
發佈留言