無啦啦之大阪和歌山準備篇

10月30日是大阪馬拉松, 這幾個月也有留意機票,
本想搭國泰的一班零晨機, 咁好似抵D; 點知因為地震, CX cut 咗好多班次, 呢班機都宣佈了 10 月29日唔會有.....
如果都是以最平 $3500 的價錢, 另一選擇就只有 16:20 的機,
但上次搭過, 入到大阪市成十點幾, 都係等如冇咗一日, 仲又要俾一日酒店錢,
如果想早機, 已經是去到 $4000 的價錢, 我覺得太貴了,
其實可以等吓到 9 月有冇淡季 promotion, 但機票都唔 confirm , 我會太心掛掛~

忽然間見到香港快運有 promotion, $1800 咋喎, 呢個價算抵啦~
不過做到最遲係 10 月26日出發, 哈..... 我都未同老細 confirm 我的假, 就怱忙地 book 了! (幾大膽!)

本來諗住跑完先安心地去大吃大喝, 而家剛好調返轉,
先玩和歌山、白浜, 再返大阪跑馬拉松, 再去奈良/京都

和歌山方面好難 plan, 呢兩日攪到我頭都大晒, 因為D 地方都好遠離鐵路站, 搭巴士好耐先一班,
又唔敢揸車, 所以要 plan 好D 交通真係十級頭痛!
而且D 車費仲要很很很貴!  一程 JR 要五千幾 Yen......
揀酒店, 好大個因素就變咗係睇佢交通方唔方便了!

星期五晚睇曾志偉的日本特輯, 咁啱就係講和歌山, 嗰間酒店就係我之前都睇咗想 book 的,
點知上樂天一睇, full 晒!? 乜日本D 酒店唔係通常一兩個月前先開始准 book 嘅咩? 點解咁快 full o架...
最後 book 咗三樂莊, 溫泉酒店, 真係好貴......
7 日住3 間酒店, 幾經辛苦之下都 confirm 晒了!

日元去到 9.8 的新高, 未去都已經覺得會很出血了!

學咗個旅遊日語班, 都覺得有D 用! 睇D 日文網頁都有少少字睇得明,
同埋識得將自己個名變日文咁打去 book 酒店, 哈哈哈!

大阪馬拉松訓練日誌 (17): 因天雨關係, 停跑了多日, 今日見好天就日頭去跑跑
見到呢個數字, 好有激勵性嘛! :D