等妳可以整俾妳的 Hubby 食~ 齊齊努力做個進階版好老婆!
滷水雞翼, 係最入門級的餸, 咁多年來, 真係煮過分分鐘過百次......
雖然簡單, 但我覺得要煮得好食又唔係容易, 因為每次的雞翼數量, 滷水汁份量都有出入,
太咸太淡都時有發生~
我的煮法: 滷水滾起落雞翼, 再滾起計中大火煮 20 分鐘, 然後熄火焗多 20 分鐘, 味道通常都唔錯的!
滷水汁份量, 奉勸大家當然是跟樽上指示的好!
不過想添加美味, 可以加入花椒八角, 今次我還加了很特別的材料
桂皮又稱肉桂、官桂或香桂，為樟科植物天竺桂、陰香、細葉香桂、肉桂或川桂等樹皮的通稱。本品為常用中藥，又為食品香料或烹飪調料。
哈, 很難想像平時加在咖啡/蛋糕內的 Cinnamon 原來可以用來煮餸!
都係有一次去大陸的書城睇書, 見到好多中國的食譜都要落桂皮, 嗰吓真係完全唔知咩嚟, 完全未見過!
咁啱嗰次去完書城就去超級市場, 見到真係有呢樣嘢賣o架喎 , 就買咗一包啦~
今次還是第一次用, 加了一條落去滷雞翼同牛展, 果然有一種很特別的香味,
哈, 我都唔知點形容, 有趣的, 我同波比先生都覺得那味道好似街買的牛肉乾豬肉乾那種味,
說不定平時的牛肉乾豬肉乾就是用了這香料去製作~
香港應該都有得賣的, 不過要搵吓~
另外介紹的是溏心蛋, 大家有冇整過呢?
其實網上有很多 recipe, 但其實大家屋企個爐同個煲同隻蛋的大細都唔同,
我覺得沒有絕對正確的時間控制, 真係要自己 trial and error 的!
不過我常用的製法是:
水滾放蛋, 水要完全浸過蛋,
大火煲 4 分鐘, 熄火繼續浸多3 分鐘, 沖凍水後可更容易剝殼
不過今次要整又滷又溏心的蛋 (因為喺花蓮食過念念不忘),
完成溏心蛋後, 又唔可以再放入滷水煲 (否則會變全熟蛋啊!!!),
所以煮完雞翼後, 舀出只可是暖的滷水, 用來浸住溏心蛋,
齋浸唔加熱當然需要更長時間, 有人說半日, 我諗浸幾耐亦都會因應你每次的滷水稠杰度而不同
我今次浸了一整日 (尋晚整的), 雖然好似唔多上色, 但其實已經夠晒咸!
波比先生見到這溏心蛋好開心啊~
今晚因為夜放工, 冇時間煮餸, 又忽然間想吃麻辣小吃來配滷蛋滷豆腐, 於是就去雜貨店睇睇,
我真係覺得大橋街市的兩間雜貨店冇得頂! 泰式韓式日式中式的調味料都有得賣, 唔係我都煮唔到咁多好餸~
請教老細之下, 他介紹普遍用來煮麻辣xx 的花椒油, 係有非常之「麻」味的油, 但太大支了, 買完都唔知食到幾時.....
於是佢又介紹一樽麻辣醬, 用來煮或醮都得!
今晚就煮了一條素雞, 切片, 掃上麻辣醬, 加少許麻油,
哈哈, 很簡單的完成了這麻辣素雞小食, 很有出街四川菜的風味o架~
沒有留言:
發佈留言