花蓮 - 鯉魚潭。兆豐農場

第四天，我慣常地六點就起身，用 iPhone 的 Panorama software 從房間拍了張全景照，
有山有水，這個民宿女主人真的很幸福～



等食早餐的時候，在雜誌架上取了這本書來看看，入面介紹了很多花蓮的農園，
哎唷，唔睇都唔知花蓮仲有咁多旅遊書冇介紹的好地方，
令到我下次再來的藉口又多了幾個！



今天是中式的早餐，我也很喜歡啊！
那些滷水配菜滷得很入味，甜甜地的，
還有早餐吃巨峰提子，太開心了吧！





今日的導遊先生是昨天阿旺替我們安排的，是一個臨時的決定，
本來今天是透過網上找了一間旅行社的導遊，就係前日俾錯海洋公園飛我哋的旅行社，
上次已經失信心了，到前日我再同佢 confirm 行程時，佢竟然夠膽死話我 plan 嘅行程唔夠時間去晒喎，
嘩，你唔早Ｄ講？！個行程係我兩個月前已 send 咗 e-mail 話你聽，係你話 ok o架喎！
而家又話唔夠時間，想點？！一怒之下，完全 blacklist 了這間旅行社，
於是拜託阿旺替我們安排，今日的導遊是簡先生(gabri0128@yahoo.com.tw)，我真係要俾 10 個好佢～ 非常用心的安排行程, 落力的介紹每一個景點背後的故事, 他的車子也很舒適啊!
他是那種謙卑誠實的人，是一個城市人放棄城市生活來花蓮過依山伴水的日子的好人版～
我其實也十分羨慕他的生活啊～

好了，開始行程，昨天是向北走，今日是向南走，很 standard 的一條路線，
第一站係鯉魚潭，是一個好好好大的湖，去到其實冇咩做，都係影張相咁，不過南下必經，所以通常都會停一停，
呢度可以踩水上單車的，咁咁咁大個湖上面踩，其實都幾得意，不過時間有限，我哋冇玩了～



之後坐多一陣車，就到兆豐農場喇！！呢度比我想像中大大大好好好多！！
係完全冇可能由門口行到最入點囉！搭車都要搭１５分鐘呀！



一入到去，好似流星花園大宅呀！



因為入面太大行唔到，一係租 golf 車／單車，一係就搭定時的遊園小火車，
我們選了搭小火車，因為剛好遇上發車時間呀，第一站去了乳牛區，
嘩嘩嘩，過百隻牛牛呀～～～



佢哋個個都係好忙好忙咁食草，仲有睇咗小乳牛同埋懷孕的乳牛唷～



睇完牛牛，就去商店買人人都讚的甜品



這個用農場牛奶造的奶酪，超濃奶味，好好味，波比問可唔可以食多一個！



還有牛奶雪糕，不過覺得奶酪正Ｄ！



玩夠半個鐘，搭另一班小火車去下一站，就係果園
那裡有免費的水果提供，這個時候只有小蕃茄，波比很愛吃，我平時不愛吃，都覺得唔錯～



佢有養蜜蜂，有蜜糖賣，完全估唔到Ｄ蜜糖咁好飲，竟然有好香的花香味，
我冇諗過蜜糖可以有這味道，於是。。。。波比竟然買了一桶，
冇錯，係一公升有多的一桶，太恐怖。。。。（之後孭住佢嚟行好攞命。。。）



走到果園睇睇，哎呀，都唔入得嘅～　呢度唔同季節有唔同的水果



呢個時節是車厘子當造的時候～





之後又搭小火車，返回起點，落車後，就係自己要行的時間
參觀了動物園部分，好多唔同品種的羊呀！有隻傻羊係度食鐵線。。



騾仔



大駱駝



最開心係去了餵兔仔，我一入去，十幾隻兔仔衝埋嚟圍住我，太開心了～



佢哋都和可愛啊～



白色的狸貓，你見過未？



還有鳥類區、花圃、小橋影相（見 facebook),　很開心，很充實的行程，
不知不覺，玩了三個多小時，
如果有小朋友的玩，來這裡一定好開心啊～