組

嘩, 今日真係精彩~

先係尋日聽完同事講上星期開 Group Therapy 的惡劣情況, 攪到我尋晚十二點幾都瞓唔著,
今朝未夠 5:30am 我就嚇到醒咗瞓唔返..........

三多年冇開過 Group 了 (Adult Group 唔計啦), 其實自己開的話我絕對冇問題,
反而係因為合作伙伴的問題, 令到我感到非常之不安!!! 已經冇 input 之餘, 仲要阻住我想做嘅嘢, 唉....
但這合作關係, 因為醫院的行政錯配同嚴重缺乏支援, 是無何奈何的都要繼續......

政府是撥了一舊錢, 是大家納稅人的金錢, 本來是應該用來幫一些有需要的人,
但舊錢好撥唔撥, 放到醫院的袋, 有人拿了錢, 只是做一些唔專業完全 hea 做的訓練,
病人冇得益, 有時我覺得仲係嘥緊人時間........
明眼人看, 錢其實應該撥到復康機構手, 最需要幫助的人, 才有真正有經驗的專業人士幫助~

真正開組, 其實情況又比我想像中好,
上一節我開會冇去, 可能因為負責的全都是唔熟識小朋友的人, 所以先好混亂
又因為夾硬勉強的 Grouping, 將兩個根本唔應該放入呢組的小朋友都放入去,
是為了迎合某人「湊夠數」, 我看來這一切都非常之唔 ethical .................
等同明明你係傷風, 竟然係俾 Panadol 你食咁~

算吧, 我仲有五次去o者, 呢單嘢我好想去幫, 但都真係幫到令我覺得有點氣餒~
是一種什麼也不在我掌握, 很有心無力的無奈~

放工, 本來想去一間我至愛的凍肉店買羊肉, 點知................. 我去到時佢已經收工執緊嘢.......
望住, 冇得買, 勁無奈..........
唯有過隔離嗰間, 一場嚟到點都買吓羊呀、牛呀、日本烏冬呀咁~

呢個都係夏天好啱食的餸,
是半煎炸雞件加沙律芥末汁, 呢個汁真係要推一推!
係用日本蛋黃沙律醬 + 牛奶 + Wasabi 混合即成, 係睇報紙學的
用來點雞係非常之清新醒胃, 可減雞的油膩感, 大家不妨試試啊!