這不是一間普通的食肆, 原來老闆娘自家種了很多食材, 甚至有咖啡添~
有一棵古樹, 相傳話摸過佢就可以一索得男, 導遊熱情地叫我們摸摸看,
我其實有點不情願地順應了他要求...... 查實我絕對唔想生個仔囉...... 女人應該都係喜歡生女的......
上菜了, 炸魚 - 魚肉夠滑, 似用蛋漿炸, 很脆!
很愛的台式滷豆干
豬手是這裡的名菜, 果然很入味, 唔錯!
之後, 有個加插環節就係去睇睇竹炭廠
放心, 去之前導遊講明只係帶我們去見識吓, 亦叫我哋千祈唔洗買嘢
竹炭聽就聽得多, 其實我都冇諗過佢究竟係咩嚟, 原來係燒到變炭的竹片, 可用來傳電
但最廣泛之用途就是淨化, 介紹員將黃色的液體倒入左邊的竹炭過濾器,
經過濾後流出的就是很清澈的水,
最後我們當然都冇買嘢啦~
下一站是林田山, 是一個舊時的火車站, 現時改建成幾間陳列了懷舊景物的陳列室, 還有很多木雕
這就是小火車軌
兩個人漫步, 多浪漫~ 很適合帶腳架自拍呀~
離開的時候, 有些小攤位賣土產, 有一些驅虫油賣, 老闆娘見我的腳被蚊叮了很多口, 就叫導遊給我搽搽,
不收費不用買的, 那些在地人真的很很很好~
因為時間關係, 我們去不了瑞穗牧場睇牛牛了, 不過剛才在兆豐農場都已經見到很很很多, 不去也沒所謂~
我們於是回程了, 由南向北上返去, 下一站是立川漁場, 也是一個很 standard 的景點
NT100 買體驗卷, 很抵玩
先撕下 B 卷去換了雪糕, 蜆雪糕?! 咩味呀?
其實都唔覺得有蜆味, 是朱古力味, 好滑就真~
之後就一人拎一個兜去摸蜆, 哈哈, 好好玩!!!
收穫豐富! 本來我以為係拎自己摸到的煮嚟食, 點知唔係, 係要掉返落去的~
我們去了餐廳, 用 A 卷換了兩款食物,
嘩, 換o架咋喎, 洗唔洗咁大碟呀?! 兩個人點食?! (但食食吓波比又真係食晒囉!)
仲有蜆仔魚丸, 好彈牙, 中間真係有D 蜆仔, 好鮮味!
同導遊講開，原來我們都是咖啡愛好者，他更在家自己種咖啡樹（唔係化.... 我都好想搬嚟住呀!)
問他花蓮有哪一家咖啡店出名, 他帶了我們去伯揚咖啡
是一間小屋型的咖啡店, 太夢幻的咖啡店~
簡單及舒適的裝修
很多品種的咖啡豆, 店主自己炒、磨、煮, 有人特登從台北去來要喝他的咖啡, 亦有名人光顧!
老闆的工作就是專心的沖咖啡, 同埋同客人談天說地, 多寫意的生活~
簡簡單單又一日, 令人十分羨慕~
我這個香港人在想, 日日捱生捱死咁大壓力, 為乜嘢呢?? 幾時先可以停下來呢?
一人一杯咖啡, 很享受這一分鐘, 還買了些咖啡豆返去要試試!
本以為行程完結, 點知簡先生唔怕工作超時 (一般包車只是包 8hr 朝九晚五, 但現已是 7pm 了),
主動帶了我們上山看花蓮的夜景, 真係好感謝這個安排,
雖然去不了函館睇夜景, 但這個夜景絕對有驚喜, 四周冇人聲車聲, 天空連著地平線, 多美!
簡先生的服務真的很好, 如果有朋友去花蓮, 也很推介找他帶帶路呀! (Tel: 0972-213909, e-mail: gabri0128@yahoo.com.tw)
沒有留言:
發佈留言