於是我哋今日就去跑跑比賽路線, 如果唔係有車, 真係唔會騰到咁遠的地方跑步~
新跑鞋出動了!
今日跑了差不多 15km , 先是大美督出發, 上新娘潭路, 一條大斜路後, 大部分路都是小斜o者,
本想跑畢比賽路線, 但係跑到 4.7km 時, 已經沒有行人路了 (當天比賽是封了車路), 唯有走回頭
途中見到好多成隊的單車、電單車、跑車在高速駛過, 感覺實在有點危險,
萬一身邊其中一架炒咗, 我哋都必定一鑊熟.....
其實我日日在醫院都見到D 車禍病人, 受害者實在好慘, 腦袋出血被切去了一半, 終身成了一個無意識的活死人
全身骨折的又有, 見過一個阿伯好慘, 一隻手一隻腳被截肢, 住醫院時生不如死
所以呢, 希望 D 駕駛人士小心駕駛啦, 揸咁快為乜先?
這就是船灣淡水湖, 風景開揚優美
跑返去起點, 再跑出堤壩, 來回4km 多
很多人踩單車, 放風箏, 很寫意
前面的山, 就是八仙嶺
見到馬鞍山同沙田大學, 好正的 view~
跑完了, 經過燒烤場, 香死人咩........ 成個燒烤場俾D 菲傭霸晒,
本來打算帶波比去大埔舊墟食嘢, 但有人話咁難得入到嚟, 梗係要試吓D 茶座,
於是我哋就去對面的忠誠茶座食飯, 好開心, 唔洗等好耐位, 有和暖的陽光, 美味的泰國菜
呢個煎餅超好食!! 兩個人清晒八件!!
所有食物都一絲不苟, 飲品也是, 咸檸七有勁大個檸檬, 跟餐都是加 $5!
菊花蜜, 好大朵花! 唔怪之得呢間嘢喺 openrice 有咁多好評~
飯後去了大埔街市探九哥 (我最愛的凍肉店梁九記), 迫到好似唔洗錢咁!!!
個個都搶打邊爐食物, 我都買咗好多!
呢度D 肉真係又平又靚, 元朗搵唔到咁好質素!
整咗冬蔭公湯底, 加了 lemon grass 好香呀~ 又食返晒跑咗嘅卡路里..............
-1.jpg)
.jpg)
沒有留言:
發佈留言