[愛跑步] 2013 美津濃香港半馬拉松

星期天, 波比參加了這個半馬比賽, 算是渣馬前的熱身
跑友鄰居約了我們 5:15am 出發, 係..... 5:15am, 天都未光就出發,
去到 6am, 泊好車後不消十分鐘就全個停車場 full 晒, 大家都好鬼早!!!!
前一晚我仲問: 「洗唔洗約咁早呀? 」原來真係要約咁早的!!
之後來的人冇位, 大家就施展高超的泊車技術, 泊晒上駁, 嘩, 同條柱貼到呢..... 真係好勁!!!

7:45am 開始比賽, 大家準備好了!



先來是一段大斜路, 我走了上大斜路的盡頭影相
今次好認真, 有呢D 時間車帶頭~



衝呀, 帶頭的來來去去都係嗰幾個勁人!



等大家都過晒, 我就跟住隊尾一齊跑跑跑



跑了 5km. 上到烏蛟騰路, 就等波比回程, 一路都唔見佢, 死啦, 唔係又 miss 咗呀.....
好彩, 終於都等到佢喇!! 只因呢個比賽的人都好勁, 好多人好快呀!
不過因為 background 有個山坡, 攪到D 相 out focus 晒.....



見到佢之後, 佢要轉入烏蛟騰路跑一個來回, 我就趁有時間跑落山, 搵第二個 point 再影,
哈哈, 好彩我回一回頭, 先影到佢幾張!



還有幫大家影影相,
http://www.flickr.com/photos/12728356@N05/sets/72157632450911478/
http://www.flickr.com/photos/12728356@N05/sets/72157632446718165/
http://www.flickr.com/photos/12728356@N05/sets/72157632453184117/









最印象深刻, 是見到這猛龍隊, 取其音「盲聾」, 他們是一位視障一位聽障人士的組合,
佢哋好好好犀利呀, 部分真係跑得唔慢, 仲快過我呀!!! 好佩服!
只要有信心, 凡事都可能~



不過, 我跑落山時出事了......
跑跑吓膝頭後面好痛, 痛到屈唔到隻腳, 完全跑唔到, 行到好痛......
就係咁, 我跛吓跛吓咁行咗幾公里落山返終點, 心急想返終點幫波比先生影相, 但快唔到, 真係好痛..... 未試過咁.......

後來仲有 1km 先欄到終點, 波比就打來了, 佢已到, aiya....... 又影唔到.......... 不過真係冇辦法.......
佢 1hr39min 完成了, 算是唔錯, 但呢個比賽D 人好勁呀, 所以總排名都去到幾百



等埋跑友就歸家了, 不過腳仍然十分痛, 上落樓梯都唔得......
夜晚去食飯, 繼續痛, 在屯門市中心的一個扶手梯竟壞了, 我好似前面的阿婆阿伯咁逐級落...... 仍然痛不欲生......
好擔心究竟咩事呢?
物理治療師朋友叫我休息同冰敷, 做了, 希望會好轉啦~