[2012 京阪神] 神戶馬拉松好好玩!

11月25日, 晴, 到了馬拉松的大日子了!
一早落去大堂食早餐, 酒店都住滿了跑手, 大家都換好了一身裝備,
今日的早餐, 唔知係咪知道有馬拉松, 所以有香蕉提供, 日本人還吃了很多很多飯~



我們的酒店其中一個好處, 就是很近起跑點, 行過去就係
九點半起跑, 但要人 8:15am 前寄行李, 9am 要到起跑點集合, 中間成個鐘究竟想點?
老婆有點大安旨意, 最後一刻 8:00am 才出發



很多支持者啊~



我哋拎住行李, 知道有點遲, 就跑去寄行李的地方, 點知.....
差唔多到的時候, 佢話我聽 close 咗, 唔係化...... 日本人真係準時到不得了............
於是, 我哋要將行李寄去一架特別的車, for 遲到人士........



攪掂後, 日本人還對我們說 ganbane :)



今日很日本 style!



情侶鞋出戰, 不過其實是死對頭牌子



見到變裝的人, 真係好佩服佢哋著住咁重嘢跑 42.195km



女跑手都是 black + shocking pink, my favourite color!!!
佢哋的號碼布仲要係有名的~



大家都趕往起跑點, 日本人衣著真的很 cool!



有 1841人跑 10.6km, 全馬的就有幾萬人, 大家也在 4度的天氣下等呀等.......



等等吓, D 手腳已經變埋 4 度, 冇晒知覺.......



全馬跑手 9am 起跑了, 等佢哋行晒, 就到我哋 10.6km 的



9:30am, GO GO GO!!!!



我想話, 我很喜歡這個比賽, 因為道路很闊, 望著藍天去跑呀跑的感覺實在太美好
(上年的大阪馬拉松, 四面都是高樓, 迫人迫到跑唔到)



雖然頭先先話完好凍, 但跑了一公里就出晒汗喇~
沿途十公里, 都有無數的市民支持打氣, 他們叫得聲嘶力竭, 仲落力過我們跑的~
又有好多小朋友伸手出來同我哋撃掌,
沿途更令人佩服的, 是有下圖的醫生、護士、Paramedical 同我哋一齊跑, 都是有心人~



不知不覺, 已到了八公里, 我覺得很奇怪, 點解我已經好努力跑, 但跑極前面都仲有咁多人嘅, 冇理由o架?
再諗諗先知原來我已追到了 9am 起跑的全馬人喇~



哈哈, 見到千陽號, so cute!



仲有Mr. Tiger



波比先生入直路喇



衝線了!



之後就到老婆衝線了! (當然是過了一段時間)



衝線後的服務很好, 先有熱熱的紅豆湯



仲有能量飲品同埋神戶菓子協會贊助的蛋糕



仲有紀念獎牌, 好開心呀~~



多謝幫我哋拍照的人, 藍天青山下完成了這個比賽, 很興奮, 有點未夠喉~



我同波比今次穿了 2XU 褲去跑, 覺得好好, 很保暖, 我覺得真係有用, 好似跑得快了, 又冇咁攰~
波比話 2XU 應該要搵佢做代言人喎 XD



望出去, 好多回程中的全馬人, 大家也要加油呀!!!



就是這樣, 由三宮跑到須磨~
跑完又開始覺得凍, 但係慘了...... 我哋嗰架遲寄行李的車要等封完路先過到嚟, 等咗我哋成粒鐘...
下次都係乖乖地依時去寄行李吧!



到寫這篇 blog 之前兩日, 終於收到了完走証,
嘩, 原來我喺女子組跑 48, 總排名就 248
波比喺男子組跑 13, 總排名都係 13,
哈哈, 其實我們不介意成績, 過程比那時間重要~ :D




這樣就完成了我們的第二個海外跑步比賽,
下一次, 很想參加一次全馬啊!

其實我們都報了下個月的東京馬拉松, 不過波比抽到, 我抽唔到,
而老婆又貪玩, 一早已 book 咗二月去北海道嘛, 冇理由一個月去兩次日本o者,
所以最後都放棄了, 但要知道, 其實抽得中東馬係好難的, 希望下年再報, 會再有幸運之神啦~