[愛美食] 連吃兩日的日本放題@千江雪

話說好朋友邀請我們吃生日飯, 一改再改後, 星期三終於去吃了,
今次又試新嘢, 是尖沙咀 H8 的「千江雪」
一星期唔同日子價錢都唔同, 星期三是 $188 (7pm-9pm) , 早D 遲D 嘅時段都會平D

食物的款式都好多, 一來了這刺身拼盤, 十分滿意,
劍魚腩十分多油脂十分肥美, 有一款白色的魚, 味道很似芝士, 哈哈~
只是帶子太細粒了.....



天婦羅都讚, 炸蝦夠大隻, 個芝士年糕超好食呀, 兩日食了四件!! 仲有炸蠔都唔錯~



和牛粒粒正!



燒物都幾好呀, 羊架、多春魚、雞軟骨都是推介,
第二日試了墨魚咀同雞翼, 雞翼估唔到咁皮脆肉嫩, 讚!



不過都有D 麻麻地, 例如D 牛太肥.....



清酒蜆有沙............



溫泉蛋很滑, 波比好鍾意



甜品有幾款阿波羅雪糕, 仲有o者喱, 叫咗兩個, 先知道是四方果o者喱............
汽水任飲, 第一天來食都很滿意
用東亞信用卡仲有九折 (不過佢唔會話你聽, 係我咁啱前一日收到銀行的 promotional pamphlet 先知)



星期四晚, 約了波比的表妹們去 H8 的 Doraya 食海膽飯, 點知坐低咗點菜, 先知今日冇海膽.... 唔係化!?!?
我哋特登嚟食海膽o架喎............ 冇得食唯有轉場, 於是波比話去多次千江雪......因為表妹都係有食力之人!

不過第二晚的經驗實在唔多好, 不停的漏單, 5個人叫10條多春魚都唔係好過份o者, 好平咋?
落咗幾次單都冇嚟, 最後嚟咗............. 3 條咁大把囉.................
D 刺身就好似未解凍晒, D 炸物就完全未擎油就上枱, 嘩油到o丫............
有好多食物最後都叫了又冇來, 如果唔係今日咁衰, 我本來就諗住上 openrice 寫個好評俾佢喇~
今晚冇預過嚟, 冇帶東亞卡, 蝕了.................



吃了兩晚, 很滯...............