是醫院攪的義工服務, 去探訪了三個之前入過醫院的獨居長者, 送張棉被俾佢哋, 仲跟進吓佢哋的生活情況
第一個伯伯, 慢慢走來開門時就知道他有眼疾和中過風了,
伯伯一個人居住, 腳行得唔好, 又睇唔到, 根本出唔到街,
每一天就是一個人在屋子裡默默的過, 肯好有明愛的姑娘會送飯同一星期帶佢兩次出街,
聽佢講雖然有綜緩, 但每次要返醫院覆診, 都要自己俾錢搭的士, 又要幾十蚊個鐘請陪診員,
我其實一路都好唔鍾意醫院約病人的方式, 一班八九十歲的老人家, 全部都約晒九點咁,
準時到的就閒閒地要等兩個鐘, 入到去好多時就話冇咩啦、繼續食藥啦,
但一個老人家就很折騰的出來了半天........同花了可能是一星期的食飯錢睇一次可有可無的門診.........
如果我老了, 我絕對不希望在公立醫院睇醫生 (雖然我有終生免費醫療), 我只想去醫院的私家診所睇好了~
另外, 我返去都要好好管教我的年輕同事, 真的有需要才好叫病人回來覆診,
我不想給人的感覺是「叫我俾 $60, 嚟到就 xxxxx 咁就走」
另一個婆婆, 93 歲, 非常可愛健談, 打了一世的住家工, 沒兒沒女一個人生活,
婆婆說了很多人生的大道理給我聽, 重點是教小朋友不要打罵, 要耐心慢慢教,
或者套用在波比先生身上也十分適合, 有時見到已經話過好多次的錯, 或者唔用腦唔帶眼的錯, 都忍唔住發火鬧鬧鬧,
或者婆婆都講得啱, 鬧咗唔等如佢會改, 轉頭咪又錯, 唉, 都係要慢慢教~
見到佢哋, 就會明天香港地真係好多需要人關心的長者~ 希望下兩次探訪都可以為佢哋的生活帶來一點點的開心~
之後同波比去食拉麵, 好滿足!
夜晚揸豬車去青衣食飯, 還是第一次用自己部車揸屯門公路,
而家改路改到彎彎曲曲, 真係要好小心~
第一次泊了去長發邨的停車場, 好 ok 喎!! 上落都唔洗扭D 勁彎位~
兩張購物發票夾埋過一百蚊, 就 free 1小時泊車, 一程都係揸 35分鐘左右, 好 ok~
回家波比又整燉蛋俾老婆食, 今次我提議加點咖啡落去, 變了這個 Espresso 燉蛋,
好滑又香咖啡味, 好得呀!! :P
沒有留言:
發佈留言