前日到步時買的 pass, 原來只可以搭 Monorail 去港灣區, 不可搭地鐵/私鐵, 又擺烏龍了.....
一定要用咗佢啦, 所以就來了港區的 UCC Coffee Museum 讓愛咖啡的波比先生朝聖~
本來打算參觀埋Museum, 但200 Yen 入場, 又好似唔多嘢睇, 所以就決定淨係歎杯咖啡好了~
嘩, 好專業咁喎!!
好多選擇
我叫了 Cappuccino , 波比的好像是 Blue Mountain
波比那杯真係幾得!! 不用奶和糖都很容易入口~
優雅的餐具同環境, 喝咖啡上上網~
之後已是 4:30pm , 我們趕去兩條街之隔的 Asics Museum, 不過去到竟然收咗工!!!
吓, 唔係收 5pm 咩?!?! 4:30pm 就拉晒閘....... 緣慳一面了..............
我們搭 Monorail 去返 Trade Center 站, 慢步行去元町一帶
上次食過的牛肉薯餅呀, 不過要留肚, 下次再食你!
行到一個高級購物區, 盡是歐洲名牌, 街道也很有歐洲風情~
行到入黑, 我們到了 Canal garden 同 Mosaic Mall 一帶, 看了很美的神戶夜景,
上次來沒有等到夜晚, 睇唔到咁靚的夜景啊~~
老婆不停對老公說:「嘩, 好浪漫呀好浪漫呀」
可惜的是沒有帶腳架, 不能拍到合照
很美的商場
行了街街後, 肚子餓了, 到了成個神戶 trip 最期待的一餐炭火焼肉
這間炭火焼肉・にくなべ・びいどろ 本店又是我上網搵的, 個位偏僻到正常香港人一定唔會去, 去到我哋都搵咗一段時間先搵到個入口......
全日本人, 侍應對於我哋呢兩個外國人顯得有點手足無措
有幾款燒肉 set, 我們選了黑毛和牛的
我們諗住D 燒肉 set 應該係一人份量得好少, 所以又叫了個肉鍋
第一次在日本喝梅酒 + soda, 味道唔錯~
肉鍋先來了, 很震撼啊, 疊得高高的!!
當然裡面不是全部都肉, 有肥芽菜, 熱熱的, 辣辣的, 牛肉又嫩又好味, 1200 Yen 真係物超所值!!!
再來和牛拼盤, 吓!!!!! 嚇咗我哋一跳, 點解咁大盤o架?!?!?! 唔係一人份咩?!?!
侍應生一定覺得啞咗, 呢兩個外國人咁大食, 叫咁多嘢!!!
我想話食完個肉鍋已經飽了大半, 初頭只諗住每人得幾片仔牛肉, 點知咁鬼多......
D 牛真係得, 中間嗰款雪花最靘, 入口即化!!
好香呀!!!
D 牛油多到著火!!
如是者, 對住上好的牛肉, 我第一次有食到唔想食的感覺......
只怪這家店實在太平靚正了, 點可能 3980 Yen 有咁多的份量!
第一次在日本炭火燒肉, 好吃又難忘 :D
沒有留言:
發佈留言