大塞車

今天, 腳仍然很痛, 屈唔到.......

星期一揸車返工, 今日醫院有1/3 車位封了作清潔, 所以好驚冇位泊,
呢個時候先嚟塞車, 又急, 又塞.....
返到去冇晒直插位, 要泊 L 位, 去咗一個兩邊都冇車嘅位, 泊唔到...... 冇車喺側邊真係唔識睇位....
於是駛前D 去兩邊都有車的吉位, 好彩一泊就泊到了,  謝天謝地!!!

放工, 竟然超級大塞車, 黐線o架, 塞咗足足 45min,
我要由左線 cut 去第三/四條線, 真係好驚, 成行大車喺我側邊, 好彩補鐘時師傅教過點壓線 cut 線, 總算 cut 得到過去~
但見到前面架車, 想 cut 返左但打咗好耐燈D 車都唔讓佢, 真係好慘呀......

不斷的停車開車, 隻腳已經痛, 仲更加攰, 攰到腳痺......
過了塞車位, 大家都一定歸心似箭, 人人都踩到百幾, 我都少有地 100km/hr 掟彎直踩返元朗
大家都塞得太耐, 一通返就變了車手, 喺我前面左穿右插, 個畫面簡直好似打緊GT5 咁......

揸咗 1hr25min 先返到屋企, 好彩雪櫃已有餸, 否則冇飯開!

清雪櫃之作, 煎鵝肝拼滑豆腐, 有鵝肝味滲了落豆腐, 唔錯o架!!



仲有九哥的羊肉粒粒, 好耐冇食了, 又嫩又美味~~



今日隻腳仲冇咩進展, 諗過好冇去 A&E, 不過怕等太耐所以都係冇去到,
好早瞓了, 希望休息有用啦!