[2012 京阪神] 錦市場, Inoda Coffee, 永觀堂夜楓, かつくら京都駅ビル店

上回講到食完柚子拉麵, 我們其實繼續地覓食
拉麵店不遠就是有名的錦市場, 我最愛逛外地的菜市場, 因為都可以見識到好多香港沒有的食物~



未見過咁細隻的松葉蟹, 點食嘅呢??



魚生串燒, 唔係化?! 仲有中文介紹添!



一早 plan 好要食呢個燒鰻魚, 因為而家香港賣的鰻魚太太太貴了, 好多年冇買過喇!
點知有D 失望, 因為凍咗, 又硬, 完全唔係幻想中的味道.............



如果我住的酒店有廚房就好了, 我會買好多食材返去煮呀煮!



好多不用形狀味道的魚餅



買了成隻手指咁長的八爪魚呀!! 好大!!!



之後就是在河原町的商店街行行行, 在 100 Yen 店掃了很多生活雜貨~



然後又食, 去了一間老字號咖啡店, 很華麗的歐式裝修, 不過為表禮貌冇影了,
睇吓咖啡杯都知好高貴~



這裡有很多闊太 feel 的人在歎咖啡, 我們也好好休息, 行咗大半日了!!!





去百貨公司借廁所後, 見到好好好靚的麵包, 好想食呀, 但成三百幾 Yen 一個, 點買呀.....



入夜了, 我們去了永觀堂賞夜楓 , 其實我冇 plan 嚟呢度, 係波比話佢個朋友去完, 見到 facebook D 相好靚, 所以我先加插
去到時, 完全覺得冇嚟錯, 反而唔嚟會後悔!!



原來楓葉在夜色及燈光下, 有另一番完全不同的美!! 睇到我哋嘩嘩聲~~









不過我影了大部分的相, 都鬆郁朦, 冇法啦, 夜晚唔夠光, 我支鏡又得 F2.5
完全感覺到有一支大光圈的重要性!







去到最後, 有個亭可以放停相機, 慢快門咁影, 見影到兩張好靚好清的相~







行程完畢, 返到京都站搵食! 見到好靚的聖誕樹, 多謝幫我哋影相的日本人~



我又在日本食評網, 搵到呢間食吉豬的店 かつくら京都駅ビル店
我計劃行程時, 會安排一日食唔好的食物, 全個 trip 要食晒最地道的食物, 今餐就是吉豬了~

不過, 唔記得咗睇定menu 介紹, 我點了一個普通吉豬 set, D 肉有點鞋.....



到波比嗰個係貴幾百 Yen 的, 嘩, 食落口完全唔同喎, 又鬆又軟好多!!! aiya, 豬咗......