[2012 京阪神] 須磨浦山上遊園 X 三代目やぶ家 X 鉄人 28

上回講到跑完馬拉松, 等到成個鐘先拎到行李,
一拎返d 家當, 就即刻去玩, 之前做咗功課, 睇吓終點附近有冇嘢玩, 可以慳返車錢唔洗再搭車嚟,
終點就是在一個叫須磨浦山上遊園的山下入口, 本想買套票, 但一堆日文話今日冇得賣
於是分開買了票, 先是搭纜車上山, AIYA, 好迫




上呀上~



嘩嘩, 見到神戶港的景色, 加上咁好天氣, 美極了



上到山頂, 有一個小廣場, 呢期係德國主題, 有人唱歌玩樂器



在陽光樹下欣賞表演, 多悠閒, 香港人就是要學識這一種悠閒呀~



少不了美食, 大排長龍啊!!!



有嘢食的波比先生係最開心的~~ 仲要係佢最鍾意的德國腸, 跑得幾辛苦都抵返!!!



然後再買票, 去搭吊車仔, 其實叫吊椅適合d
波比問: 「吓? 就咁坐落去?」
我:「係呀, 應該跌唔死嘅」哈哈, 真係安全帶都冇條o架, 日本嘢我覺得 ok 囉, 大陸就唔好喇!



腳踢踢的坐這個吊椅, 由一個山去到另一個山, 四周是美麗的紅黃綠葉景, 很寫意~



到喇到喇!



另一個山頭是一個遊樂場, 小朋友來到一定好開心~
我都好想去玩吓, 可惜超齡了......



左邊是烤肉場, 嘩,咁靚的景食烤肉, 好過份!!!! 香到呢!!!
如果唔係已 plan 了今晚去食烤肉, 我諗我都留低燒燒燒!!!



美好的陽光, 藍藍的天空, 最適合消磨一個假日~



我下次一定要帶D 嘢食嚟野餐囉 >.<



遠望明石大橋同姬路一帶



這裡還有山路, 可以行山, 一路行去前日的六甲山, 我們說好了,
下次遇上平機票的話, short trip 來行行山, 吃吃烤肉也好!!

回程了~ 波比在回程時發現了一句很殘酷的日文,
大概意思是:「馬拉松跑手今日免費入園」, 唔係化.............. 走先睇到............



金光閃閃的海, 對岸的山, 不知是不是和歌山那邊



然後我們去睇铁人 28, 要去新長田區, 本身搭幾個站鐵路好快就到, 點知去到見到因馬拉松仲封緊路, 見住個出口但唔俾出.......
好無奈, 唯有要轉車去另一個遠D 嘅站, 再行 1km 去

我又在網上做功課, 搜尋鐵人28 一帶有咩好食, 見到呢間三代目やぶ家好多好評,
搵了好一陣了終於搵到間舖頭, 原來是在商店街內



主打雞湯拉麵



叫了兩款不同湯底, 一款有黑芝麻的, 兩碗嘅雞湯都超超超正, 糊口的, 比鳥華的更正!!



跑完步, 吃一碗熱騰騰的拉麵, 是多美好的事!!



吃飽飽, 一出去就是鐵人28了, 好大呀, 嘩嘩嘩!!!
很開心的拍拍拍~





影完相, 返酒店攤抖, 就再出發了~