嘩, 而家睇一人有一副 3D 眼鏡送, 以後可以自己帶去睇 3D 電影, 感覺衛生好多!
套戲係好睇又好笑, 值得去睇! 不過如有朋友所說, 真係唔覺 3D 咗d 乜.....
之後去搵 Daddy 飲茶, 然後就去了期待以久的 MegaBox 探麥兜呀!
波比有同事話而家完全搭唔到 shuttle 去, 我初時都唔信, D 車咁密!
今日去過就完全相信了, 黐線! 幾百人打晒蛇餅等 shuttle, 搭的士都排咗幾十人!
咁我哋梗係冇等啦, 行去啦, 原來勁近, 其實仲快過由我哋屋企行去西鐵站, 點解D 人唔行呢?
唔知係咪因為而家有 Jusco 又有 Ikea, 所以真係勁多一家大細去呀, 見到好多 BB 添!
去到見到傳說中的麥兜了, 不過今日圍住晒, 唔俾人埋麥兜身近距離影相呀.....
跟住又因為我怕重冇帶支變焦鏡, 而帶咗支定焦大光圈......
點知...... 就係因為太大光圈, 點教都係太淺景深囉......
一係淨影到麥兜, 一係淨影到人, D 麥兜濛晒, OMG.......
這個故事教訓我, 出街都係帶返支變焦鏡好...........
同埋有D 情況, 真係用 DC 仔好過用大機.....
跟住行 Ikea, 買咗D 餐具廚具, 好開心!
最後一站去了 Tea 1 Tea, 兩個人悠閒的嘆咖啡, 感覺很假期~ :P
.jpg)
沒有留言:
發佈留言