極力推介之 Chow Chow Cafe

呢兩星期勤力煮飯, 都冇出過元朗食飯, 今日波比先生終於都有得出街食, 幾 happy~

早兩星期特登拜訪呢間 Chow Chow Cafe, sorry full 咗冇得食.....
今日死心不息, 冒著 33 度烈日當空, 行了 1.8公里路都要再去,
好彩, 有位呀!!!

Chow Chow Cafe 內有好多老細的 Chow Chow 狗狗的相片, 好可愛!
Cafe 是歐式裝修, 簡潔而清雅,
服務員有笑容有禮貌, 還貼心的俾咗個架我放手袋~

我們叫了 set lunch, 麵包仔非常之香、甜、軟綿綿,
我敢講係元朗最好的餐包 (雖然甜甜咖啡屋的牛角包都好正)
牛油仲唧埋花俾你, 看得出那份心思~



午餐都是即叫即整, 唔會整好晒夾俾你
估吓我叫咗乜嘢?



嘩, 我以為只有去台灣同日本先食到的芝士心吉列豬扒呀!!!
看著那切開後緩緩流出來的芝士, 實在太令人感動! 味道絕對是讚!
不過不知是否味覺有問題的我, 覺得豬扒同薯條都咸了點 (係啊, 我成日食嘢都會覺得太咸)



波比先生叫了羊膝, 一致認為好好食! (太心急食冇影相)

最後當然少不了咖啡, 叫了一熱一凍的, 都非常的香濃, 好正呀~