在極度唔夠瞓的情況下, 我們都要 6:30am 起身, 準備等 7:30am 來酒店 pick up 我們的車,
第一個活動, 就係 Safari Tour
8:20am 就去到 Island Safari, 那裡地方唔算好大, 不過都算幾多嘢睇
其他團友未到, 我們先周圍行行, 泰國的蘭花好靚
有好多蜻蜓同蝴蝶, 係見到幾十隻蝴蝶飛來飛去, 壯觀!
還有可愛的 monkey 仔, 不過俾人鎖住了...
等到齊人, 我們第一個活動就係坐牛車繞場一周
第二個活動就係騎大象, 初時我仲以為係去野外行, 點知原來係係園內行o者,
一搖一擺的行, 上斜落斜時都幾驚險o架,
一路行, D 大象一路痾 s.....有D 又行行吓離隊去摘葉食, 真係好攪笑
最過癮係行到去一個 station , 有香蕉賣, 大笨象都等唔切鍾晒埋去想偷食!
我們買了一袋, 餵餵載我哋的笨象, 又餵餵後面的笨象,
不時有象伸個鼻埋嚟想我哋餵佢, 超攪笑!
騎完笨象, 就睇笨象 show, 踢足球呢嘢好準好勁呀!
之後還有一些 monkey show, 泰拳 show, 種米, 採橡膠的表現,
下一站, 就是坐吉普車到河邊, 然後撐獨木舟!
哈哈哈, 還是第一次在真正的河中撐船仔, 真係好好玩,
我們不協調的撐撐撐, 那個波比先生都唔識撐嘅, 似撥水多D.....
攪到隻船不停的團團轉同撞埋河邊....
由河一路撐, 撐到出大海呀, 嘩, 好開心~~
回到園地, 睇埋個 Thai Cooking, 就完了上午的活動
沒有留言:
發佈留言