八個年頭

我們開始在八年前的今日, 轉個眼就八年,
兩個人要包容、忍讓、信任、珍惜, 否則很難過一年又一年~

如果不是考試, 大概今晚又外出大吃一餐,
老婆下命令, 要在家吃飯!
放心, 我唔會待薄你的, 今晚煮了羔蟹, 你睇, 真係勁多羔~~~~



呢檔海鮮檔的阿姐很好人, 幫我劏埋, 太好了 (需知道劏蟹對普通師奶仔是超級高難度!)
但有一個問題, 就係唔可以用我家唯一的易潔鑊去炒蟹o架,
炒過一次, 成個鑊花晒 (=.=!)

唯有用康寧煲去煮, 加埋粉絲去吸D 蟹汁, 就成了今晚的粉絲蟹煲了!
不過個煲容量有限, 又太多蟹 (買了四隻.....), 根本兜唔到...... 煮到黐晒邊, 哎呀.......

Anyway, D 蟹好新鮮好多羔好好味啊!!! 但食一隻已經好漏了......
最後我們只食到兩隻, 剩返好多餸, 聽晚都唔洗煮了!



世界杯完結, 老公們和老婆們的生活規律又開始正常返了~

今個星期三同五都放假讀書, 今次一日考兩科, 好多嘢讀, 頭痕!