仲放咗D 素翅入去, 有得咬吓添!
仲有醒胃的菠蘿甜酸雞呀~ D 汁撈飯會好開胃!
放假讀書的日子, 進度算是不錯呀! :P
因為落了自修室, 可以好專心的讀呀讀, 讀了 7 個鐘!
中場休息, 最好的減壓活動, 大概是去買餸同埋食件 cake~
行行我常光顧的凍肉什貨店, 大手入貨, 考完試我要整羊扒呀!
可以早去街市, 餸菜的新鮮度同款式都比我平時成七點先買多和好~
下午行了幾個雷, 落了幾滴雨, 但天氣還是死到我半死,
行回家的一段路, 拎住幾斤戰利品, 令人滴晒汗.......
返到屋企, 開風扇都唔掂, 拿拿臨又落去繼續讀, 起碼有冷氣涼!
我終於都明白, 點解D 退休人士家庭主婦成日喺會所聚集了,
在家要開足一日冷氣的話, 實在很不化算....
波比先生第時老咗究竟點算呢????
在會所, 又見到好多阿媽帶住D 小朋友在 hea, 在討論家事和是非,
我在想, 係喎, 全職師奶如果唔落嚟 social 吓, 咪一日都可能唔會講一句說法 (好似我今日放假咁)
太恐怖了, 俾我實悶死了!
讀完書, 睇睇雜誌, Lisa 味道的內容原來都幾好睇,
講旅行講煮餸講 Dining, 都是我的至愛呀~
讀到一篇林慧美的訪問, 見到她到九州的小遊樂場騎的熊貓仔好可愛,
可惜遊樂場在別府, 唔揸車的話又很難去到, 否則真的很想一遊~
沒有留言:
發佈留言