消暑涼伴 - 泰式雞翼

三十二度的天氣, 要消消暑,
整個涼伴菜式先!

向來波比太太都唔會為咗一個餸買五六樣調味/配料, 太麻煩了,
而且D 肉買 $20, D 調味要買 $40 , 實在不合符「麥太經濟原則」,
橫豎食物落了胃部之後, 都係殊途同歸, 吸收成營養o者, 何必為了味道花太多精神?!

不過終於都明白, 有D 味道不是靠那些包裝醬料可做得到,
還是要左溝右溝才能做得出餐廳食過的那種味道,
為了尋找一些味道, 今日就開始破例吧~

買了 6 種配料去做這個雞翼,
酸酸甜甜超好食, 夏天食真係好啱, 好開胃!!!
放在雪櫃凍食都得, 波比先生睇波又肚仔餓就啱晒喇~