美味安格斯牛大發現

今日, 受朋友所托, 去了看看人家的小朋友有沒有一些我的專業範圍內的問題,
排政府的 assessment, 有時真係排到天光都未排到,
查實我都唔係好清楚佢哋俾 case 做 full assessment 的準則.....

政府有的錢, 就去咗起錨,
學榻樹意外逝者的家人話齋, 應該用錢的地方就唔用囉!!!
貼到成條路都係 banner, D 人就會俾你催眠到起錨呀? 傻嘅咩!!!

下午就會合波比先生, 在旺角搵食,
有人話想食花園餐廳, 但點知俾我搵到好正的一間扒房, 連 openrice 都冇資料的,
佢賣安格斯牛扒, 牛扒來了, 真係好堅喎, D 肉質真係正嘢囉! 仲超大塊!
佢有把用來切牛的利刀, 上面仲刻住 Certified Angus Beef 添喎~

不過, 餐湯同餐飲就幾唔得.......

有興趣就約我食飯, 等我帶你去啦! 個位置好難形容~



那個小朋友的媽媽好客氣, 錢我就一定唔會收o架, 又唔係做咗D 乜,
於是佢送了一大袋家人種的荔枝同黃皮, 好正好甜呀,
仲要係標榜冇農藥冇催熟劑, 多謝晒~