免費機票之台北忽然起行

哈哈, 又要補返成個星期的blog 了~
跑完渣馬後, 攰到史咗一樣, 日日又多嘢做遲放工, 返來食完飯就瞓,
腳痛了三四日, 好耐冇試過雙腳痛成咁, 證明這次去得有點盡......
下年再跑的話, 都真係請返兩日假抖抖好D!!!

呢幾日不停上網搵渣馬的相, 波比先生就好啦, 好多相喎,
我呢掛住跑, 唔記得咗同D 相機 yeah (之前跑細比賽我都會的!), 所以搵咗好耐都係得嗰幾張,
最攪笑係張張都好樣衰, 下年都真係要西隧後執執個樣, 哈哈!

今個星期的大事之一, 係換了免費機票去台北!!! 我真係發夢都冇諗過自己可以用 Asiamiles 換到機票!
其實之前舊同學 Eva 都教過我有關 asiamiles 換機票的事, 波比都好多同事成日換,
但我哋去旅行通常都係因為我搵到特價機票先去, 通常都唔會有 mileage 儲到~
平時簽卡的話, 我都寧願儲獎賞錢換百佳 coupon 實際得多~

個 asiamiles account 開咗 n 年都係擺喺度, 直至 12月時冇啦啦睇吓, 原來 11月去大阪儲了 3000里,
之後去北海道, 因為是買正價機票, 又儲了 4000里, 加埋本身有 (仲就嚟過期) 的 3xxx 里, total 有 11000 里,
早幾日 Asiamiles 忽然出了個優惠, 就係 7 折的里數可以換到機票!!! 嘩, 唔係化?!!!

換一 set 最平的台北機票, 本來要 15000 里, 而家 10500 里就得, 我夠呀我夠呀!!!
於是睇睇日曆, 好想 4 月去, 不過波比公司有嘢做, 請唔到假, 只可以 3 月去呀~
我一向都唔可以臨時請假, D 假係大半年前已 plan 定, 3月我得 16-18/3 去到~



於是上網填 form book 啦, 佢話等覆喎, 嘩, 兩個星期後就係, 佢要 7-10個工作天先覆, 等唔切了!
於是打電話啦, 星期四試咗成晚, 個電話長響永世都冇人聽!
星期五晨早起身再試, 六點幾鐘, 通咗, 好似中獎的感覺!!
成功訂到 16-18/3 的台北機票了! 真係超開心! 不過同時又要為波比先生張機票煩惱, 因為講咗咁耐, 夠里數的只係我, 佢一向都冇入 Asiamiles 的分, 所以冇佢份......
我即刻上 CX website 幫佢訂埋機票, 個 website 好 tricky, 你用唔同的方法去 search, 得出來的票價都唔同,
例如如果用指定旅遊日期去 search, 我只搵到 $2000 的機票,
但如果係無指定旅遊日期去 search, 就搵到 $1200 的機票,
去程book 唔到同機呀, 因為呢個價錢冇得揀我班機, 不過回程可以了~ :D

哈哈, 所以呢忽然間我們又有得去旅行啦, 仲剛好踏正我們的結婚 6 週年紀念添, 真係好開心!!

跟住就要煩 book 酒店, 仲有兩個星期就係, 住開的新驛呀, 喜苑呀, 都已經 full 晒......
搵咗好耐, 搵到間叫皇家大飯店的, 其實都係喺台北車站前面, 新驛嗰條街,
開咗應該好多年, 近年翻新, 但冇 website, 冇 comment 搵到.....
我見D 相 ok 就 book 了, 因為真係冇 choice 嘛, 不過就嚇死波比囉,
經過上一次去宜蘭的恐怖經驗, 佢而家一聽到老婆又 book D 平酒店就好驚,
哈哈, 信我啦, 翻新過應該 ok 喎!!!

台北已去過 6 次了..... 今次純 hea 團, 打算行行山, 睇吓見唔見到櫻花啦! 好期待! :P