[愛跑步] 大棠 17km x [愛美食] Awakening

話說過兩星期有個比賽, 係跑山, 大棠的山路,
一路好多大斜路, 諗到都驚, 不過比賽如果入到頭幾名有盆菜食, 好吸引!!!

下星期又去旅行, 所以爭取時間去路一次山路
今日又大突破, 人生第一次揸上山, 真係幾驚, 因為大棠路都幾窄, 我好驚同對頭車相撞!!
好彩七點幾唔多車, 好安全地上去去, thanks God!



8點幾起跑, 春天到了, D 杜鵑呀, 木棉呀, 開得好燦爛



上上上, 上一陣就要行, 真係冇用......



竟然見到紅葉, 我覺得而家D 紅葉靚過秋天的枯黃紅葉好多,
淡淡的紅, 又有新生的綠, 好有生氣!!



今日波比帶我第一次跑去大欖水塘, 沿途有好多上上落落, 都唔嘢少........
但一路空氣清新, 冇人, 有山剛好遮住了太陽, 真係好好跑!



水塘的堤壩上, 超好天, 熱到好似三十度!!!!



回程時, 見到兩隻超可愛的熊熊狗, 人都開心D!
來回 17km, 滿意~



跑完步當然要食餐好! 本想去 Lam Tei Grill 的元朗分店, 去到先知原來佢淨係開夜晚......
唯有去對面的 Awakening, 落地玻璃有陽光, 超舒服的環境!!!



南瓜湯好好味, 好怕好多地方D 餐湯都勁咸, 呢度D 調味適中, 好啱我口味!



肉眼扒好大!



豬扒醃得好好呀, 份量又好多, 終於都飽晒了!