[愛跑步] 放工練跑團

哈哈, 這星期的煮飯大計徹底的失敗了!
不過出飯食都唔太差~

雖然新春長跑已過, 但我同幾個同事都繼續約吓放咗工去跑步,
工餘可吹吹水又吹吹風, 大家又可以健康D, 實在好唔錯!

今次約星期三跑, 運動場又另一番景象, 另一班勁人在操練,
輕輕鬆鬆的跑了 8.75km, 師妹好犀利, 年輕人真係唔同D, 同我哋練咗幾次就好大進步, 已經唔會喘晒氣~

之後最開心的, 就是大排檔飯局, 這個煎腐皮卷超多餡, 好好食!



椒鹽鮮魷, 也是大排檔的好吃! 去嗰D 所謂西貢海鮮食嘅, 真係呃遊客錢又一D 都唔好食~



星期四, 老細又放工先叫我幫手做嘢, 冇飯開, 去食山頭火~
我真係愈來愈大食, 定係碗麵實在太細? 食完我完全冇飽的感覺, 要再去買美心西餅......



上次煲燶湯, 攪到成個真空煲唔要得, 攪到好耐都冇煲用......
想買過個又好貴, 最後問問吓, 終於都配返個內膽了, 今日去攞, 實在太開心喇~~