今次只是三天的行程，很輕鬆，因為兩個人一件行李就飛得。
清晨六點幾，搭上 E34，懶得去元朗廣場的站，就在新元中的站上車，
點知，仲有最後的兩個座位，已是旅程的第一個幸運
去到機場，竟發現老公班機取消了!
吓，唔係化。。。佢兩個鐘前都仲收到 SMS 話班機如期起飛喎!
咁我哋 check in 啦，在 CX 的 counter check in, 先發現老公搭嗰班其實係港龍嘅機，用 CX 的聯營 code...
咁佢又即刻衝去 KA counter
主動問可唔可以改搭我嗰班 CX機，地勤姐姐苦惱地攪咗一輪。。。終於都 ok 了，太開心喇，係第二個幸運
上到機，本來冇得一齊坐，但有好人肯同我調位，最後我哋有得一齊坐了，超開心呀！一齊飛了。:) 是第三個幸運
第四個幸運，是坐第一行同新款的 2-4-2 機，啲位超闊，仲有腳墊可升起，超好坐! 仲有今日的飛機餐異常地好食，雖然只是一個包，但脆脆的很讚啊！
第五個幸運，要講返我趕得切在此行之前，入咗 Marco Polo Club,
唔知係咪因為知道我係 member,無啦啦有空姐俾份問卷我填，仲有小禮物，每月仲有機票抽獎，哈，中咗就好了。
話咁快，十點幾就落機了。
嘩，乜桃園機場大裝修後靚咗咁多!
過關亦超快!
波比負責等行李，我就去攞錢，好多人排隊呀，出發前大家記住要開通返海外提款功能啊。
之後就買電話卡，本身都係諗住買大哥大，不過好多人排隊，於是就買隔離的遠傳
NT300 有三日無限上網，加 NT100通話費，好啱我哋用，
今次使用後，覺得好ok, 上網快又隱定，搭緊捷運都收得好好，所以唔洗死硬派的一定要買大哥大啊!
搭國光巴士去台北車站，記住買來回票啊，平啲呀
而家好衰，冇寫出嚟，要問先有
12:30pm，在晴朗的天氣下踏足台北市了。
我們飛奔去酒店 check in, 再飛奔過對面的台北車站搭 12:45pm 的台鐵去基隆，
好彩我一早 check 好買票的過程同車次咋，又好彩班車遲了一分鐘到，哈，仲竟然有位坐，是第六個幸運
太記得 n 年前去九份，冇位坐仲要迫到企車卡與車卡中間的位置啊。。。
45分鐘就到基隆，我哋跳上的士，直去基隆的碧砂漁港
那裡有好多好多海鮮呀，超正!
左邊的屋仔是新鮮水產店，見到好多之前都唔識的魚種，真係大開眼界
去旅行都真係可以見識到好多嘢呀
我們先吃了真係台灣見食到的酥炸大魷魚，很彈牙
原來原條的吞拿魚喺度買好平咋，如果幾個人嚟，劏一條一齊食一定好開心!
行咗幾檔賣海鮮的，就揀咗一檔有最多海膽的買了幾個
即買即開，波比先生恨咗試好耐
那種冇刺的其實唔 ok, 一開都冇蛋嘅。。。
正常那款就唔錯，好甜，唔會苦
不過咁食要睇吓你接唔接受到佢開完就咁用啲海水沖沖就俾你食，
一來好重海水味都幾咸，二來佢啲水有過濾但應該冇殺菌囉
較好味的，我覺得係生蠔，真係好新鮮又甜，我唔太鍾意食都覺得唔錯
不過正所謂海鮮價，我覺得我哋買那家店都有啲唔老實，先報一個價，
到點好了就是另一個價，話先前報的是小型海膽的價錢喎
如果唔係得佢呢檔有齊幾款海膽，我都真係話唔要了
嗰度有一種叫海燕窩的飲品，清甜滋潤好味呀
我們又挑了一盤生魚片，哈哈，好似去墾丁咁，是漁民新鮮捉返嚟的
其中白色的叫油魚，上次喺墾丁都食過，超美味，味道就超似食緊牛油，好多油份，真係好得意，超推大家去開要試試!
之後我們就去右邊的小屋，有些熟食攤檔，因為剛才吃的都不飽肚，所以點了些飯麵
選了第一檔的家庭式小店，老公在煮呀煮，老婆在落單上菜收錢，還有個小孩子在幫幫忙
我們點了魚丸湯，那魚丸太新鮮彈牙了，是全魚肉去造吧，唔似得香港的滿是粉質
我點的乾麵，就有點淡，不是我心目中的味道添。。。
波比最愛的魯肉飯就真係正呀，滿是肉汁古早味，即使開始飽也要全個吃下了
食飽飽，外出走走，出面是一個很美麗的海港，今日天氣又比預期中好，拍照唔錯
漁港的西邊有個八斗子海岸公園，不過今次沒時間去了，下次啦
沒有留言:
發佈留言