我 5am 就醒鬼咗, 起身睇住 mytv 的直播, 因為 10km 賽 5:30am 就開始了~
話說 2004 年我曾經報過一次渣馬 10k, 但冇練習, 天氣又勁凍 ( 8 度), 最後冇去了,
估唔到, 我人生會有機會再參加這個比賽, 是有準備的, 認真的參加~
同波比先生食完早餐, 拉拉筋, 7am 就出發了!
我們參加的是半馬一組, 8:30am 起跑, 我們 7:45am 就去到了尖咀, 順利的寄完行李, 都冇 jog 過就上線等了, 因為太多人喇~ 都真係企得幾前~
這次的目標, 是希望 2小時15分完成, 希望唔好中途腳痛要退出,
所以尋晚食定消炎止痛藥, 今日再噴晒撒隆巴斯
同行幾隻 GPS 手錶, 發覺我嗰隻 motoactv 真係最好, 最快 detect 到,
Nike 的完全冇 signal, 波比的 garmin 就耐D 先 detect 到~
好快就 8:30am, 起跑了! GO GO GO!!!!
好彩排得前, D 人唔會太慢, 過吓過吓人, 跑得算順, 亦比想像中跑得快咗~
今日天公造美, 有風的陰陰天, 跑得算舒服!!
三號幹線的一段, 聽波比講是不斷的暗斜, 本來都驚住好難跑, 點知又 ok 喎!
係就係有點吃力, 但都 keep 到5分幾的 pace~
而家的比賽, 我都會專心跑, 唔聽歌盡量唔影相了~
即使以前都會影吓, 我都會好小心唔會阻到人, 一定唔會為影相停低,
唔似得今次比賽的行街人士, 行都已經影響要做時間的人啦, 仲玩自拍, 攪到人跌倒, 真係唔要得~
路上唯一的相, 就是見到鯊魚先生, 我都係跑住影的~
大家都為佢喝采，但喝采過後，最好記得唔好食魚翅啦~ 佢好犀利呀, 又跑全馬, 仲過咗我, 我追唔返佢喇~
水站方面, 好足夠, 做得好好~
不過我自己都拎住水壺跑, 因為每次埋水站其實都好花時間, 我用喞喞水壺呢, 又方便, 又可以跑住飲, very good!
入到西隧, 真係如老公所講係最辛苦的一段!!!
人已經開始有D 攰, 入到去好熱好焗, 跑得好辛苦都好慢, 很缺氧~
慢到想行, 但又想快D 離開,
離開了, 又上橋, 真係一浪接一浪.........
出咗西隧的一段慢了成分鐘/km, 不過看著倒數的距離, 叫自己一定要撐落去!
經過中環碼頭、灣仔, 好多打氣的人, 好好氣氛!
上馬師道橋, 又行咗陣, 落橋就努力跑了, 最後 1km 喇!!
入到銅鑼灣, 氣氛超好, 路的兩旁都是打氣的人, 好開心~
終於都見到終點了, 那一刻的興奮的難以形容的!!! 因為我真的完成了人生第一個半馬賽事!!!
最後千祈唔好夾硬衝呀, 好容易谷得太勁暈咗就唔好啦~ 跑步都係想健健康康o者~
睇睇手錶, 真係好喜出望外!!! 我竟然用 2小時 3分就完成了這個半馬, 比我想像中快好多呀!!! Amazing!
有些人天生跑得快, 但我絕對唔係, 是靠這些日子老公同我一齊練習, 讓我由一個只喜歡吃和上網的 c9 變身成愛跑步看世界的半馬跑手~
老公都好犀利呀, 今次 1小時35分就完成了, 比上年快了足足 14分鐘, 這就是一年的成果了!! 感動~~
如果我下年再參加, 希望成績會更加好!
為了慶祝完跑, 我一早 book 定了食 buffet, 再訪咖啡亭~
那裡的食物種類唔算好多, 但總是很合我的口味!
鵝肝多士、藍芝士、三文魚、羊架、燒牛肉, 樣樣都正到爆~
甜品有我最愛的麵包布丁啊!!! 仲有燕窩蛋白~
最正係有什果仁朱古力, 真係超超超好食呀, encore 了!
其他的 pancake, 軟雪糕都十分讚, 真係好滿足呀~~ :P
沒有留言:
發佈留言