於是回港後第二日就去了血拼~
今日醫院太多嘢做, 攪到成 6pm 先走得,
心急如焚, 因為 7pm 個特賣場就 close 了!
在尖咀落咗地鐵就跑呀跑，直衝去海港城~
去到 6:45pm, 見到好多貨架都已經空空如也, 但仍有唔少人在血拼中!!
幾個成群的, 將一大堆煲攤晒喺地下逐個研究買唔買好, 大家都掃貨掃到好似唔洗錢咁~
其實我都恨咗有個 LE CREUSET 煲好耐, 不過實在太太太貴了, 一路都唔捨得買!!
今日去到, 其實又唔算超抵, 因為有時百貨公司減價都做到呢個價錢,
但一場嚟到, 冇理由空手而回, 就睇吓 22cm 圓煲,
最靚的粉紅/粉藍色都已經俾人掃晒了..... 得返D 橙色
後來睇睇吓, 見到呢個套裝煲都唔錯喎, 原價 $2998, 特價 $950
可以當兩個煲/鑊用, 個平底鑊其實又可以當煲蓋用, 唔錯唔錯!
呢個 Size 的煲, 可以用來整水煮魚呀、牛肉鍋呀, 用來炆餸又得, good!
呢個刮刀, 原價$238, 特價 $100
仲有買咗個扮 Jamie Oliver 必備嘅磨, 哈哈, 又係恨咗好耐買返個啦,
特價 $150, 實在係抵喇! 好開心呢, 有咁多戰利品!
之後同波比先生去食一風堂, 唔知點解, 而家真係愈來愈大食......
一個麵, 食咗好似冇食過咁...... 仲要替玉同再搵食呢......
沒有留言:
發佈留言