我們的兩個 assistant 是相反的性格,
一個真是很蠢, 少少事都唔識應變, 唔識轉彎, 但老實勤力,
一個年青新請的, 聰明又做事快手, 可惜有點古惑, 暗暗地偷懶, 唔好以為我唔知, 其實我好多都知~
本來對偷懶的人, 我都算是隻眼開隻眼閉,
但呢兩日佢變本加厲, 尋日俾我撞到佢未夠鐘就換晒衫出去食飯,
今日下午老細想搵佢又成個 department 都唔見人, 最後要嗌咪佢先喺一間房走出嚟, 話執緊嘢
間房有咩要執, 心照!
呢兩單嘢真係令我唔出聲都唔得!
先係為準時食飯勤力做嘢的 assistant 不值,
後係為單純的老細天真的相信佢喺房執嘢而不平!
同時間老細尋日叫我幫手寫佢 appraisal , 我覺得唔可以坐視不理, 於是同老細一五一十講晒我見到嘅嘢~
有時做管理真係好兩難, 尤其在一個忙的 department, 你敢炒一個人咩??
又驚請唔到人, 請到又要由頭 train 過, 又驚人做做吓唔做, 到頭來辛苦的是自己, 因為乜都要自己做返~
唉, 要講的我講了! 希望老細真係會做D 嘢~
星期五, 波比外出工作, 所以約在旺角食飯~
樂園搬了舖之後, 還是第一次幫襯, 而家好茶餐廳 feel, 乜都有得食~
不過還是起家的粉麵較好食, 那碟滷水有色無味, 真係啞咗!
好彩樂園不是今晚的主菜, 主菜是 Knockbox Coffee, 是旺角是新咖啡店,
位置好偏僻, 唔係 openrice 都唔知有間咁嘅嘢!!
上星期五其實嚟過一次, 當時 9pm, 佢話 9:30pm 就收工, 真係又啞咗?!
今次波比一心再來, 有人攪緊 coffee tasting 好熱鬧, 我哋就靜靜地搵咗一角坐低
呢度真係專心做咖啡, 唔似 Starbucks 的花巧, 就只有咖啡, 冇其他花款的飲料
來得嘅人, 都只是想輕鬆的歎一杯原味的咖啡
有蛋糕麵包, 都是 home made 的!
波比點了杯精品咖啡 - 危地馬拉 cup of excellence 2012
磨豆, 讓客人看看, 看著咖啡師用心的沖調, 已是一種享受~
試一口, 很有果香, 味道是偏酸的, 但十分甘香~
我還是喜歡有奶的咖啡, 這杯 latte 味道很濃厚, 絕對是水準之作~
Tiramisu 也值得一讚喎!!! 芝士味重, 最好係唔太甜, 啱晒愛吃又怕肥的人~ :P
這間店子值得推介啊!
沒有留言:
發佈留言