[愛美食] 懷舊香港味

星期六, 最後一次的探訪長者義工活動,
今次的探訪對象都是有需要的, 我覺得我來真係幫到佢D , (試過探D其實冇需要....)
老人家身體退化、生病, 其實都是理所當然,
整個探訪活動中, 我看到好多香港醫療體制的不足,
多病的老人家, 往往要等上好多個小時才見到急症醫生, 之後睇兩睇就叫佢走,
Symptomatic treatment, 復發, 又去睇....
唔想等咁耐就睇私家, 一個月睇幾次, 好難負擔......
好多時睇完醫生, 都唔知自己咩事, 只知要食好多藥.....
今次的婆婆, 洗手間的大窗令寒風入屋, 沖一沖涼就易病了........

我只可以將問題寫低交俾社工跟進, 但嗰D 求求其其, 攪個活動都攪到好混亂的社工, 我都唔知佢係咪真係會 follow up......
有D 公公婆婆, 我真係好希望再上去探佢, 可以呢個活動完了, 我係唔可以自己上去的,
希望之後都會安排返適當嘅支援啦~

過程中, 我發覺明愛同信義會呢兩個機構真係唔錯, 幫到老人家好多,
打算睇睇有冇屯門元朗的義工再參加, 因為去我工作醫院那區, 真係好鬼遠呀......

做完義工, 同波比去食飯, 去咗間好多醫院同事都大讚的古色大排檔, 係嗰種你講得出佢都整得到的大排檔,
叫咗呢個窩蛋牛飯, 好開心呀, n 年冇見過呢種窩蛋牛了, 上次, 已經是讀中學的時候嗎?
我真係好想知呢D 懷舊味道的免治牛醬係點整, 點解會啡啡地色嘅呢? 好想整到呀!!!
在地產霸權同只有連鎖店生存到的香港, 呢種味道會有一日消失嗎?