[愛住家菜] 簡單炒飯

今個星期的目標就係準時放工同煮多D 飯, 趕上了回家的村巴,
逛逛久違了的街市, 看看有什麼新鮮的食材, 是最令人興奮的活動~

為了清清雪櫃就嚟過期的食物, 今晚整炒飯,
將咸蝦仔、栗本菇、火腿、臘腸、蔥花, 炒呀炒,
炒飯要先落飯, 喺飯中間掘個窿, 再倒D 蛋落去, 再炒炒炒, 咁就會好均勻地炒到蛋炒飯了~



今日在醫院的病房, 見返個舊病人,
中年女士, 中過風, 有一個好愛佢的丈夫, 丈夫好得辭了工在家照顧佢, 是絕世的好男人~
再艱難的復康日子都總算捱過了, 我以為他們從此會有安安穩穩的生活.....

點知晴天霹靂, 忽然間入院, 再意外 check 到有末期癌症,
我一路睇牌板, 都一路唔敢相信呢個係事實, 中風一次都好夠了, 癌症?? 唔好玩啦!
他們倆都是醫護人員, 清楚了解病情的嚴重性同之後的結局.............

見到病床上的她, 和憔悴的他, 我心底都好難過,
今日體會最深的, 大概是「天意弄人」四個字,
人生每一天, 大家也要盡力過得令自己無悔無憾,
還未好好愛身邊人的話, 就要快快去愛, 因為你從來不知道何時會忽然間再沒有這個機會~