[愛住家菜] 馬來海鮮炒飯

今日用了尋日食剩的餸炒飯,
用了馬拉咸蝦仔、蝦仁、鮮魷, 最緊要係落馬拉蝦米辣椒醬, 炒起好香, 香死隔離喇, 哈哈!



另外發現大橋街市有好嘢, 話說嗰度有幾檔鹵水檔, 今日試試幫襯一家人開的新店,
有個小妹妹應該放暑假嚟幫爸爸媽媽手~
呢檔有口水雞, 醉雞, 蒜泥白肉添! 不過我今日先試鹵水~
小妹妹問我腸要肥定瘦? 牛展要林定爽? 洗唔洗加麻辣?
爸爸就用心的切呀切, 你睇, 仲有幾多蔥同埋莞茜!
返到嚟, 波比大讚好好味呀~ 係呀, d 麻辣真係好惹味呢, 正呀!
我以後都唔會幫襯舊嗰檔啦, 個老闆娘寸寸貢, 有次仲俾d 唔新鮮已變壞的生腸我呀, 哼!