[愛跑步] 幸運的跑步日

尋日行完山, 今日雙腳都有點酸痛,
不過知道未來幾日打風落雨, 都應該冇乜機會跑步, 於是今日就扮勤力又去跑返 round~

本想由屯門跑返元朗, 點知跑咗三百米就落大雨!!! 好彩我有帶遮咋!!!!
之後上咗輕鐵月台, 好彩我今日買咗全日通, 就上車搭幾個站.
去到藍地見冇乜雨就又跑過, 跑到洪水橋去 7-11 買水啦, 點知一出嚟又落大雨, 真係好彩咋,
又上月台等等, 都算快停, 最後都跑返到元朗~

然後去造窗簾, 今年的夏天特別難捱, 間屋熱死人了....
所以去造過晒D 有遮光布的窗簾, 亦希望咁樣我朝早可以瞓晏D~
尋日就去咗買冷氣, 睡房的冷氣用了差不多十年喇, 其實已經算好犀利了!
但今個夏天可能天氣太熱, 開極都唔夠凍, 晚晚開埋風扇都有機會熱到出汗..... 所以都係換過部啦~
而家夏天的熱法, 真係好叫人擔心, 再過二三十年呢個世界會變成點.......

晚上睡前, 搵晒屋企D 按摩器出嚟 dap 腳仔, 鬆晒~