探 B 開枱日

今天的行程, 排得滿滿的,
超熱的天氣, 街上絕對是一個火爐, 行幾步已經滿身濕透......

早上與波比家人在葵芳新都會美心飲茶,
呢度幾好喎, 有好多懷舊的點心食, 仲竟然有點心車仔推推吓添~

之後, 波比先生硬要去大眾書店睇麥兜,
話說由 11/7 開始, 買滿 $60 就可以加 $29 換一隻麥兜, 有好多造型都超可愛!

我唔會咁傻換晒啦, 每期揀一隻最可愛的換就好了!
今次換咗佢, 嘻嘻~



跟住我哋去咗探一個小朋友同一個肥 BB, 肥 BB 真係好好好肥呀~~
BB 爸爸已近半年冇得同我哋開枱, 今次測試阿仔對麻雀聲的忍耐力, 又都 ok 喎!
4 個月的 BB 已經超多聲音, 一見到爸爸就好開心地笑, 真係好可愛呢~