是的, 我覺得有一個目的地咁跑, 總好過不停的跑運動場, 其實我真係好唔鍾意跑運動場, 好悶!
有了上次的經驗, 今次做足準備了!
天氣好曬, 除了太陽帽, 還穿了手袖,
帶定了防曬霜, 去到兆康時補一補,
帶定一個膠袋, 萬一中途下起傾盆大雨, 都起碼有嘢袋住部電話,
仲帶埋件衫, 準備去到黃金海岸時換 (上次全身濕透的食早餐同搭車返屋企真係好唔舒服)
錢都帶多D, 不時之需!
咁多嘢就係塞晒喺我的腰包仔, 哈哈哈!
上次又係今次又係, 跑跑吓部電話無啦啦 restart, 唔知咩事, 攪到計里數少咗截.....
如果大家都會跑同樣的路線, 有些小貼士可參考
跑到去屯門站, 上次唔識就挨工廠區士去,
今次過河去到屯門公園裡跑, 超正呀! 劃分了行人路同埋單車路, 又闊, 非常好跑!~
去到黃金海岸, 比上次快呀, 連埋中間 hea 的時間用了兩個鐘,
可能跑過一次有晒準備真係唔同D, 今次其實比上次仲熱仲曬, 但跑完又冇上次咁辛苦喎!
換埋件衫舒服晒, 開開心心又去「煮樓」食早餐!
仲同埋阿姨一家人一齊食添 , 之前我哋想約埋表妹一齊跑, 但阿姨真係太緊張, 又驚佢中暑驚佢跑街危險, 所以表妹只好一個人在黃金海岸跑跑~
我想話, 跑步減肥真係好 work o架,
先有波比先生啦, 由 >180磅減到得返 140 磅, 仲要係冇節制日日飲飲食食o架喎~
個衰佬而家真係食極都唔肥, 啱啱仲發現佢體重跌破 140 磅囉! 嘥米飯呀! 回水呀!
我呢, 咪由7月1日開始 regular 做運動嘅, 至今日剛好半個月, 跑了七次,
我一向其實都唔係瘦底啦, 近年自己煮咁多好嘢, 晚晚食完飯又奉旨食甜品, 真係肥咗唔少o架....
呢半個月, 我睇住自己個肚同埋條腰瘦返成吋, 真係勁感動呀~~~
著褲鬆咗嗰種感覺, 真係太美好了~~~
跑完步, 唔會即晚瘦, 第二天覺得人輕了點, 最明顯是隔一日, 腰間就會輕鬆了!
其實跑步唔係計你嗰刻消耗了幾多卡路里, 反而我覺得似係有D research 所講,
佢幫助你增加 muscle, 增加 mitochondria, 增加你的 metabolism,
你每一日消耗的能量都多了, 人漸漸就會瘦下來~
哈哈, 做完運動, 又食喇!
阿姨送咗D 喺佢屋企門口摘的香蕉俾我哋, 就用來整 salad 作下午茶, so happy~
沒有留言:
發佈留言