不可思議的大阪機票

話說自從 CONFIRM 了會去神戶馬拉松之後, 一路都有留意機票,
近來香港航空攪成咁, 冇人敢搭啦; 印度航空星期五又冇機去;
剩低國泰同新廉航桃子航空

桃子航空即係好似 Air Asia 咁, 冇 service 冇嘢食, 寄行李都要逐件收錢,
但佢真係平 CX 好多, 兩個人平 4 千蚊, 真係有點心動~
但佢回程班機返嚟差唔多成 1am, 返到屋企成兩三點, 即係第二日都要請埋假, 對波比麻煩D,
而且真係唔多頂得順D 人, 俾多百零蚊去寄倉都唔肯, 一個人夾硬拎一大個喼再加兩大袋嘢上機都會,
上到機就霸埋唔係佢的行李位, 攪到好似要鬥快上機霸行李櫃咁...........
唉, 所以其實都疊埋心水訂 CX

但 CX 陰D陰D 加價加得離譜, 明明我想搭零晨機去, 晚機返, 之前都係 $3500
但近半個月發現加到 $3760,
更離譜係呢幾日我發現佢再加了 $4890!!! 黐線!!! 可能因為我11月尾去係紅葉季節??

尋晚睇到 meethk.com 報料真旅網有 CX 平機票, 我就即刻去睇睇啦!

國泰出手了！二人同行優惠 香港往返東京只需$1,900 名古屋$2,000 大阪 $2,400 – 國泰航空 (優惠至11月30日)

http://www.meethk.com/?p=4552

想23號去28號返只有 $4880, 但真係難以置信, 我揀29號返的話, 真係只需 $2430 咋!!!
平一半呀!!! 天啊! 於是就拿拿林訂了!

不過真旅網有點落後, 不可以即時 confirm 出 e-ticket, 要等幾個鐘~
第二朝起身見收到 e-mail 的 e-ticket 了! 但都係有D 唔放心, 點可以咁平o架? CX 個 website 都冇呢個 promotion......
於是用個 booking no. 去 CX website check, 真係有呀, confirm 咗o架喇!!! 好感動!!


哈哈, 真係好好彩呢!! 不過忽然間又多咗日, 又要煩 book 邊間酒店......
而家日本D 酒店真係好貴呢.......