[小豬嘜] 幸福的洗衣服

這兩天, 波比先生和我在家非常忙碌的整理著小豬嘜的東西和清潔屋企

新買那個大櫃, 吹了一星期多, 那油漆味也散不去, 我想即使去到我生得, D 味都唔會散得晒.....
要放小豬嘜的衣服落去, 實在唔放心.......
最後, 還是去添置了兩個大大的膠櫃桶去放衣服好了......

等咗咁耐, 終於都可以洗衫喇! 真係好開心!!
小豬嘜, 呢度咁多衫衫都係爸爸辛辛苦苦喺日本抬返嚟俾妳o架, 希望妳著得舒服又開心啦~
媽媽都好想快D 見到妳逐件逐件衫仔著上身呢 ^o^
這是我這生人第一次洗晾 BB 衫, 真係好興奮又感動呀~
多謝太陽伯伯今日仲出來曬吓妳D 衫添~


不過拆同洗衫時, 發現這個爸爸買得太多了......... 0-3 month 的衫真係多到著唔晒呢.......
又發現我買了的長袖長褲夾衣, 根本冇乜可能喺未來 6 個月著到........
今日都成 30 度, 熱到黐線啊........... 唉, 真係好 O 咀..........

這兩天又拆開了所有之前買落的用品,
看說明書學用奶樽消毒機, 暖奶機, 點樣清洗奶樽奶咀等等,
初為人父母, 實在有太多事情都是第一次, 都要學習啊!

我們自己也要將自己的冬夏天衫大換季, 今年的冬天實在有趣, 都未真正的凍過就完了!
D 厚褸羽絨有D 拎出來都未著過又要收埋了~
仲有執屋清潔, 辛苦晒波比先生搬嘢呀, 又抹發霉牆呀, 同埋最污糟的洗垃圾桶佢都做埋,
這個爸爸, 算是比我想像中的努力同做得多又好了 :)

兩個人去吃個安娜餐廳的美味 lunch, 之後又是不停的入貨,
小豬嘜用的東西, 濕濕碎碎的總是買極都買唔完........ 我都真係買到怕怕了.........
應該都真係買晒喇掛??