[小豬嘜] 35 w 3d: 第一次的腳腫 x 洗奶樽

今朝起身, 執執吓嘢望到自己對腳, OMG! 點解會咁腫嘅?
這就是後期懷孕的腳腫吧, 可能尋日大半日都坐, 又飲得唔夠水.......
當 BB 愈來愈大時, 壓住了將血液回流到心臟的大靜脈, 帶不到水份走, 手手腳腳就會腫了!
係呀, 水腫其實唔係應該飲少啲水, 相反應該飲多D 水添, 仲有要活動多D

於是, 黃昏時就喺元朗行咗足足兩粒鐘, 辛苦史我了!
而家個肚大又墜, 真係唔行得耐呀.......
返到屋企再按吓腳, 晚上已消腫了~
都係返工會好D, 起碼唔會成日都坐, 半日會行吓健康好多!



今日繼續努力, 所有 0-3 months 的衣物被仔都洗摺好了!
滿滿的塞滿了兩個大櫃桶, 見到就開心!



仲有洗奶樽同奶泵的配件, 逐件洗, 要沖好多摔好耐先安心, 洗了足足半個鐘,
洗完就用蒸氣再消毒, 又要再晾乾同砌好同入箱, 真係好花時間呀!!!
好彩之後有陪月有鐘點姨姨幫我做, 否則真係好唔得閒!!